Механізатары ААТ «Палессе-агра» актыўна рыхтуюць палеткі пад кукурузу, якая будзе размешчана на 1 000 гектарах.

Першыя дзесяць ужо засеяны. Мехзвяно ў складзе мясцовых Генадзя Клешчанкі, Анатоля Макарэвіча, Дзяніса Міхалені, а таксама Вячаслава Дзяргауза і Вячаслава Брагінца з райаграсэрвіса штодзень уносіць арганічныя ўгнаенні на вызначаныя ўчасткі з разліку 1 150 тон на гектар. Пасля кампосты закрываюцца ў глебу. А гэта ўжо справа іншых рупліўцаў. Апрацоўваюць палеткі пад «каралеву палёў» Аляксандр Ганчароў, Мікалай Ткачэнка і Сяргей Сікіржыцкі (на здымку справа) – за змену каля 60 гектараў.
Дарэчы, апошні з механізатараў – з прадпрыемства меліярацыйных сістэм. Раней эксплуатаваў экскаватар, а цяпер кіруе МТЗ-3022. І на ім шчыруе на карысць сельскай гаспадаркі. Як правіла, заняты на палявых работах у «Палессі-агра», бо тут у Соснах 1 і жыве. А таму сумленне не дазваляе ў родных мясцінах працаваць абы-як: шчыруе Сяргей Васільевіч плённа і прадукцыйна, ад душы.