Жывёла выйшла ў поле

Зараз неабходна прыкласці ўсе намаганні для таго, каб павысіць вытворчасць малака, скарыстаць магчымасці, якія дае гэты вясенні час.
(злева направа) Уладзімір ВЯРЭНІК і Мікалай БРАГІНЕЦ, пастухі ААТ «Чырвоная Змена» імя К. І. Шаплыкі», на палетку непадалёку ад аграгарадка Сарачы (злева направа) Уладзімір ВЯРЭНІК і Мікалай БРАГІНЕЦ, пастухі ААТ «Чырвоная Змена» імя К. І. Шаплыкі», на палетку непадалёку ад аграгарадка Сарачы
Таму ў сельгасарганізацыях пераводзяць статкі буйной рагатай жывёлы на пашавае ўтрыманне. Так, у адкрытым акцыянерным таварыстве «Чырвоная Змена» імя К. І. Шаплыкі» першы выхад рагуль на зялёныя палеткі адбыўся 6 красавіка. Як паведаміў галоўны заатэхнік гаспадаркі Генадзь Брагінец, адразу пачалі з трох статкаў – гэта 450 галоў БРЖ. Усіх жа плануецца пасвіць восем – больш за дзве тысячы пярэстых.
– Час пасьбы пакуль абмежаваны, але хутка, праз 3-5 дзён, усю жывёлу, за выключэннем маладняку, поўнасцю перавядзём на пашу.
З размовы мы даведаліся, што выпас будзе ажыццяўляцца на палетках аграгарадка Сарачы, вёсак Шыпілавічы, Арлёва і Азярное. Як і ў мінулыя гады, пастухі пяройдуць на пазменны працоўны дзень. Усе яны, дарэчы, людзі спрактыкаваныя, маюць немалы вопыт у доглядзе жывёлы, ведаюць усе асаблівасці ў арганізацыі працэсу.
Дарэчы, на гэты час практычна ўсе сельгасарганізацыі раёна арганізавалі на пашах водапаенне і своечасовы падвоз вады, дастаўку мінеральных дадаткаў, устанавілі электрапастухі, стварылі неабходныя ўмовы для работы даглядчыкаў.