СИНГЛИСИНИ ЖОНИДАН ОРТИҚ КЎРАДИГАН АКАЛАР НОМИДАН СИНГИЛЛАРИМИЗГА...

Ота уйда мехмон дерлар қизни бизда,
Ширингина айрилиқни туйди кўнглим.
Оқ либосда кетяпсан сен, чидаймизда!
Ўзга уйда бахтиёр бўл жоним синглим.
Тонг отгунча гулга мехмон экан шабнам,
Яхши-ёмон кунни бирга кўрдик баҳам.
Бўйинг етиб қолганини сезмабмиз хам.
Ўзга уйда бахтиёр бўл жоним синглим.
Кўз ёшини кўрсатмайин отам йиғлар,
Ёр-ёр айтиб танбур йиғлар, онам йиғлар.
Сен йиғлайсан, ўртанишлар қалбим тиғлар,
Ўзга уйда бахтиёр бўл жоним синглим.
Онамдайин меҳрибонсан чаққонгинам,
Кулгулари мард йигитга ёқангинам.
Рўмолининг остидан жим боққангинам,
Ўзга уйда бахтиёр бўл жоним синглим.
Тез-тез келиб тургин сени соғинамиз,
Суръатингни ўпиб-ўпиб овунамиз.
Сен бахтиёр бўлсанг албат шоддирмиз биз,
Ўзга уйда бахтиёр бўл жоним синглим.