«Боруссия» Д. клуби матбуот хизмати «Твиттер» орқали «Барселона» билан бироз ҳазиллашди. 29-30 август кунлари ЕЧЛ ва ЕЛнинг янги мавсумига қуръа ташланди: гуруҳлар таркиби тайин, энди старт маррасини кутамиз. Тушунарлики, клублар тизимидаги SMM-мутахассислар Монако шаҳрида ташланган қуръа жараёнини юқори эътибор ва креатив муносабат билдиришга тайёр ҳолда кузатишди. Жумладан, Дортмунд «Боруссия»си вакилларининг «Твиттер» орқали чиқишлари кўпчиликни бефарқ қолдиргани йўқ.
- Бурчак тўплари ижроси устида ишлаш вақти келди... Ҳа, Дортмунд клуби матбуот хизмати бу билан «Барселона»га ЕЧЛ-2018|2019 воқеаларини эслатишга урингани аниқ. Чунончи, каталонияликлар «Ливерпул»га қарши кечган ярим финал жавоб ўйинида рақиб бурчак тўпи тепиш ҳуқуқини қўлга киритган паллада ғафлатда қолишганди. Айни шу бир зумлик эътиборсизлик якунда қимматга тушди - мезбонлар бурчак тўпини тезкор ва антиқа тарзда амалга ошириб, финал чиптаси тақдирини ҳал қилган голни уришди. Бунда барчасини Трент Александер-Арнольд ва Дивок Ориги бажаришди. Хуллас, немислар ҳам «Барселона»ни шундай чув туширмоқчилар, шекилли. Дарвоқе, «Боруссия» ва «Барселона» жой олган гуруҳда «Интер» ҳамда Прага «Славия»си ҳам бор.
Манба: interfutbol
Присоединяйтесь к ОК, чтобы подписаться на группу и комментировать публикации.
Комментарии 1