жамоаси
гвардиячилари.
Топ-10
10. Браян Робсон – 90 ўйин
(1980-1991)
“Манчестер Юнайтед”
афсоналаридан бири бўлган
Браян Робсон Англия терма
жамоасидан 11 йил давомида
чақирув олиб келган. “Уч
шерлар” сафида жами 90 та
ўйин ўтказган Робсон
уларнинг 65 тасида жамоасини
сардор сифатида бошлаб
тушган.
9. Билли Райт – 105 ўйин
(1946-1959)
Билли Райт бутун
футболчилик фаолиятини
“Вулверхемптон”га
бағишлаган. “Бўрилар”
сафида 500га яқин баҳсда
майдонга тушган Билли терма
жамоада ҳам 100дан ортиқ
ўйин ўтказган. Инглиз
термасига эса 13 йил
сардорлик қилган.
7-8. Фрэнк Лэмпард – 106
ўйин (1999-2014)
Фрэнк Лэмпард ҳақида
кўпчилик етарлича
маълумотга эга. Фрэнк илк
бор 1999 йил Бельгия
термасига қарши баҳсда терма
жамоада дебют қилади ва
шундан сўнг 16 йил давомида
105 та баҳс ўтказади.
7-8. Бобби Чарлтон – 106
ўйин (1958-1974)
Бобби Чарлтон инглиз
футболининг тирик
афсонасидир. 1966 йил ўз
майдонларида ўтган
мундиалда учта тўп киритган
Чарлтон якунда “уч
шерлар”нинг бош совринга эга
чиқишида ўзининг катта
ҳиссасини қўшган эди. Мавсум
якунида эса унга “Олтин тўп”
соврини топширилган эди.
Айтганча, терма жамоадаги
тўпурарлик бўйича қўйган
рекордини Уэйн Руни
янгилаганини таъкидламасак
бўлмас.
6. Эшли Коул – 107 ўйин
(2001-2014)
Эшли Коул илк бор 2001 йил
Албанияга қарши ўйинда
терма сафида майдонга
тушади. Англия бош
жамоасида 13 йил давомида
учта Жаҳон чемпионатида
майдонга тушган Коул
фақатгина бир бора Европа
чемпионатида иштирок этган
холос.
5. Бобби Мур – 108 ўйин
(1962-1973)
“Вест Хэм” афсонаси бўлган
Бобби Мур 1966 йилги Жаҳон
Чемпионатида жамоасини
сардор сифатида майдонга
бошлаб тушган. Ўшанда у
сардор сифатида “олтин
маъбуда”ни боши узра
кўтарган эди. Марказий
ҳимояда ҳаракат қилган Мур
ҳақида Пеледан
сўрашганларида: “Менга
қарши ҳаракат қилган
ҳимоячилар орасида энг
яхшиси айнан Бобби эди”, деб
жавоб берган.
4. Стивен Жеррард – 114
ўйин (2000-2014)
Илк бор 2000 йил терма
жамоадан таклиф олган
Жеррард жами тўрт Европа, уч
Жаҳон чемпионатида ўйнаган.
Германияда ўтган мундиалда
Жеррард иккита гол билан
жамоаси тўпурари бўлган эди.
ЖАРда ўтган жаҳон
чемпионатидан олдин Рио
Фердинанд жароҳат олгани
боис сардорлик боғичи айнан
“Стиви Жи”га ишониб
топширилади. Бундан
ташқари Евро-2012 да ҳам
жамоа сардори айнан Жеррард
эди. Гуруҳ босқичидан
муваффақиятли ўтган “уч
шерлар” плей-оффда
амалдаги финалчи Италия
терма жамоасига пенальтилар
сериясида имкониятни бой
беради. Футболчининг ўзи эса
турнир давомида иккита
самарали тўп узатишни
амалга оширади ва якунда
мусобақа рамзий терма
жамоасидан жой олади.
2014 йилги мундилада ҳам
сардорлик боғичи айнан
Жеррардга берилади. Бироқ,
инглизлар гуруҳдаги бирорта
баҳсда ғалаба қозона олмайди
ва оқибатда сўнгги ўрин билан
ортларига равона бўлади.
Ушбу турнирдан сўнг эса
Стивен халқаро фаолиятини
якунлаганини эълон қилади.
2-3. Дэвид Бекхэм – 115
ўйин (1996-2009)
Бекхэм илк бор ЖЧ-1998
саралашида Молдова терма
жамоасига қарши баҳсга
мураббий Глен Ходлл
томонидан таклиф олади.
Дэвид 2000 йилдан то 2006
йилги жаҳон кубогига қадар
терма жамоа сардори бўлади.
Жами 58 баҳсда сардор
сифатида майдонга тушган
Бекхэм яна 50га яқин баҳсда
иштирок этади.
2-3. Уэйн Руни – 115 ўйин
(2003 - …)
“Уч шерлар” сафида 2003
йилдан бери тўп суриб
келадиган Руни бугунги кунда
жамоа сардори саналади. Учта
Евро ва худди шунча
мундиалда иштирок этган
Руни терма жамоа тарихидаги
энг яхши тўпурар ҳамдир.
1. Питер Шилтон – 125 ўйин
(1970-1990)
Питер фаолоияти давомида
1391 та расмий учрашувда
иштирок этган бўлиб, Англия
чемпионатида ҳам оз эмас, кўп
эмас 1005 та баҳс ўтказган. Шу
боис терма жамода энг кўп
ўйин ўтказиш бўйича рекорд
ҳам айнан унга тегишли
эканлиги бежиз эмас, албатта.
Бироқ тез орада Уэйн Руни
ушбу рекордни янгилаши
кутимоқда. Шилтон жами учта
жаҳон ва иккита Европа
чемпионатида иштирок этган.
Jaloliddin
Присоединяйтесь к ОК, чтобы подписаться на группу и комментировать публикации.
Комментарии 3