"Адана Демирспор" президенти "Галатасарой"га қарши ўйиндан кейин истеъфога чиқди

"Адана Демирспор" президенти "Галатасарой" қарши ўйиндаги можародан кейин истеъфога чиқди.
Туркия чемпионатининг 23-туридан ўрин олган жамоалар ўртасидаги ўйиннинг биринчи бўлими бошида ҳакам Ўғузхон Чақир “Адана Демирспор” ҳимоячиси Семиҳ Гюлер ҳужумчи Дрис Мертенсга нисбатан қоида бузган деб ҳисоблаб, пенальти белгилади.
“Адана Демирспор” раҳбарияти пенальтидан норозилик билдириб, жамоани майдондан олиб чиқиб кетишга қарор қилди. Кейинчалик ўйин бекор қилинди. "Галатасарой" бош мураббийи Окан Бурук меҳмонлар майдонни тарк этганидан кейин берган интервьюсида пенальти нотўғри белгиланиши мумкинлигини айтди.
Майдонни тарк этиш қарори ҳакамлар қўмитаси ва Туркия футбол федерациясига қарши норозилик сифатида қабул қилинган, дея кейинроқ бир неча клуб расмийлари маълум қилди.
Президент Бедирҳан Дурак бугун эрталаб истеъфога чиқишини эълон қилди.
"Энди мен боши берк кўчага кирганимизни қайғу билан кўрмоқдаман. Клубим, оилам, яқинларим ва соғлигим учун мен президентликдан истеъфога чиққанимни эълон қиламан" - деди Дурак.