Бундан роппа-роса 4 йил аввaл UzReport TV телеканали юртимиздаги миллионлаб футбол мухлисларининг талаб ва истакларини инобатга олиб ҳамда уларнинг футболга бўлган катта қизиқишларидан келиб чиққан ҳолда, футболга ихтисослашган янги FUTBOL TV телеканалини ташкил этишга қарор қилганди.
FUTBOL TV телеканали 2017-йилнинг 23-апрелидан бошлаб тест режимида ишга тушган бўлиб, ўтган вақт давомида сигнал узатиш кўламини кенгайтириб бутун Ўзбекистонни қамраб олди.
FUTBOL TV телеканали мамлакатимиздаги миллионлар ўйини ишқибозлари учун Жаҳон ва Европанинг энг қизиқарли футбол учрашувларини жонли эфирда намойиш қилиб келмоқда.
Жумладан, телеканал мухлислари FUTBOL TV телеканали орқали футбол бўйича Жаҳон ва Европа чемпионатлари, Европа Чемпионлар лигаси ҳамда Европа лигаси, Англия Премер лигаси, Ла Лига, Италия А серияси, Миллатлар лигаси, Суперкубок ўйинларини жонли эфирда, юқори сифатда ҳамда тўлиқ ҳажмда томоша қилиб келишмоқда.
Шу билан бирга, миллионлаб ўзбекистонлик футбол ишқибозларининг талаб ва истакларини инобатга олиб, UZREPORT TV телеканали Ўзбекистон миллий терма жамоаси ҳамда ўзбек клублари иштирок этадиган расмий мусобақалар, яъни Жаҳон чемпионати саралаши, Осиё Кубоги, ёшлар ўртасидаги Осиё чемпионатлари, Осиё чемпионлар лигаси, ОФК Кубоги трансляция ҳуқуқини харид қилди.
Эндиликда юртимиздаги мухлислар миллий ҳамда У-23 терма жамоамизнинг Жаҳон чемпионати саралаш ўйинлари ва Осиё чемпионатидаги иштирокларинини, шунингдек, Осиё Кубогидаги учрашувларини, ўзбек клубларининг ОЧЛдаги иштирокларини севимли шарҳловчилари билан биргаликда UZREPORT ҳамда FUTBOL TV телеканалларида жонли эфирда томоша қилиш имконига эга бўладилар.
Бундан ташқар телеканал ижодкорлари томонидан тайёрланаётган бир қатор дастур ва лойиҳалар футбол мухлисларининг эътибор марказида бўлиб келмоқда.
Шунингдек, АПЛ, Ла Лига, Италия А серияси, ЕЧЛ ва Европа лигасидан ўрин олган учрашувларнинг энг қизиқарли вазиятлари, киритилган голлари акс этган Highlights, «APL world's », Review magazine каби дастурлар ишқибозларга тақдим этиб бориляпти.
Пандемия пайтида бутун дунёда футбол учрашувлари тўхтатилган бир вақтда, FUTBOL TV телеканали мана шундай вазиятда футбол мухлислари зерикиб қолмасликлари учун аввалги мавсумларнинг энг қизиқарли ўйинларини, тарихий учрашувларни, классик матчларни эфирга узатиб борди!
Қадрли мухлислар, FUTBOL TV телеканали бўйича ўз таклиф ва истакларингизни изоҳларда қолдиринг.
Присоединяйтесь к ОК, чтобы подписаться на группу и комментировать публикации.
Комментарии 6