Турнирда қатнашадиган клублар сони аста-секин камайиб бормоқда.
«Интер» ва «Атлетико»дан кейин «Милан» ҳам расман Суперлигада иштирок этишдан бош тортди. Бу ҳақидаги расмий баёнот эса «россонери»нинг расмий сайтида пайдо бўлди.
«Биз Суперлигада иштирок этиш учун таклифини бутун дунёдаги футбол ишқибозлари шунингдек, клуб ва ўз мухлисларимиз учун энг яхши Eвропа мусобақасини ўтказиш ниятида қабул қилган эдик.
Аммо бу ҳали амалга ошмасидан, дунё бўйлаб мухлисларнинг Суперлига борасидаги овозлари ва хавотирлари аниқ ифода этилди ва «Милан» ушбу ажойиб спортни севувчиларнинг фикрларини диққат билан тинглаши керак деб ҳисоблади», дейилади клуб баёнотида.
Эслатиб ўтамиз, «Милан» лойиҳадан чиқиб кетишини расман эълон қилган тўққизинчи клуб бўлди. Бунга биринчи бўлиб АПЛ жамоалари - «Арсенал», «Манчестер Сити», «Манчестер Юнайтед», «Ливерпуль», «Тоттенхэм» ва «Челси»лар қўл уришди. Улардан кейин «Интер» ва «Атлетико» Суперлигада иштирок этишдан бош тортишди.
Присоединяйтесь к ОК, чтобы подписаться на группу и комментировать публикации.
Нет комментариев