Предыдущая публикация
УЕФА Еврокубокларнинг янгиланган форматини эълон қилди.
Энди ЕЧЛ ва Европа Лигасида гуруҳ босқичи бўлмайди
УЕФА Еврокубокларга 2024 йилдан бошлаб амалга киритиладиган ўзгаришларни эълон қилди.
Чемпионлар Лигасида ҳозиргидек 32 эмас, 36 та клуб иштирок этади. Янги форматга кўра, гуруҳ босқичи ўрнида битта лига ташкил этилади. Лигада дастлабки 8 ўринни эгаллаган жамоа плей-офф босқичига йўл олади. Қолганлар эса қўшимча плей-офф орқали сараланади. Барча клублар камида 10 тадан ўйин ўтказади ва шунга яраша даромадлар ошади.
УЕФА Чемпионлар Лигаси очиқ мусобақа бўлиб қолади. Жамоалар аввалгидек миллий чемпионатдаги натижасига қараб унда иштирок этиш имкониятига эга бўлади.
Қўшимча ўринлардан бирига УЕФА рейтингида бешинчи ўринни эгаллаб турган лиганинг учинчи жамоаси эга чиқади. Яна битта йўлланма эса Чемпионлар йўли саралаш босқичидан муваффақиятли ўтган миллий чемпионат ғолибларидан бирига насиб этади. Яъни бундай йўлланмалар сони тўрттадан бештага кўпаяди.
Сўнгги иккита йўлланма гуруҳ босқичига чиқа олмаган, бироқ ЕЧЛ, Европа Лигаси ёки Конференциялар Лигаси саралаш босқичида қатнашган, сўнгги беш йилдаги натижалари бўйича УЕФА клублар рейтингида энг юқори ўринда турган иккита жамоага насиб этади.
Худди шу тариқа Европа Лигаси (умумий босқичда камида 8 ўйин) ва Конференциялар Лигаси (умумий босқичда камида 6 та ўйин) формати ҳам ўзгаради. Келажакда юқоридаги икки лига иштирокчилари сони ҳам 36 тага етказилиши мумкин.
УЕФА баёноти
Мавзуга доир:
Футболда аср тўнтарилиши: Европа Суперлигаси ўзи қандай мусобақа ва нималар бўлмоқда? (тафсилотлар)
«Мақсадимиз ЕЧЛ ва Европа Лигасининг ўрнини эгаллаш эмас, уларга рақобатчи бўлиш». Европа Суперлигаси раҳбарияти ФИФА ва УЕФАга хат билан чиқди
Расман: Европа Суперлигаси иштирокчилари Жаҳон Чемпионати ва Евро мусобақаларидан четлатилади
Европа Суперлигаси клублари Чемпионлар Лигасидан четлатилса, мусобақа ғолиблиги ПСЖга берилиши мумкин
Қайд этиш жоиз, УЕФА бу қарорни эълон қилиши арафасида Европанинг қатор топ-клублари янги мусобақа — Европа Суперлигасининг ташкил этилганини эълон қилди. Унга кўра, бу мусобақа айнан Еврокубоклар ўтказиладиган кунларда бўлиб ўтади.
Аввалроқ УЕФА президенти Александер Чеферин Чемпионлар Лигаси ва бошқа Еврокубок мусобақалари Суперлига иштирокчиларисиз ҳам ўтказилишини маълум қилганди.
Следующая публикация
Комментарии 21
Хар бир ойинда яхши пуллар тикилади.
Киморбозлик августа олади энди.
utoq buldi.
supirlega chiqib
...chatoq buldi