Денсаулық сақтау саласында тарифтердің өсетіні туралы мәлімдемеден кейін жұртшылықты медициналық қызмет бағасы көтерілмей ме деген мәселе алаңдатқаны рас.

Денсаулық сақтау министрі Елжан Біртанов Алматыда өткен кездесуде осы мәселенің басын ашып берді.
«Қарапайым халық үшін медициналық көмек бағасы өспейді. Тариф – министрлік пен емдеу мекемелері арасындағы мәселе. Біз халыққа тегін қызмет көрсететін емдеу мекемелеріне атқарған жұмысы үшін төленетін қаражатты өсіреміз. Бұл медициналық қызмет сапасын көтеріп, қолжетімділігін арттыру мақсатында жасалып отырған қадамдардың бірі», деді министр.