Парынзэлем, Тон Монь Парынзэлем!

https://bit.ly/34kAoph Слова: #ЛюдмилаМакушкинаАвтор
Музыка: #БакичВидяйМузыка
Исполнение: #ЛюдмилаМакушкина
Эрзянь парынзэлесэ мон чачинь,
Те велесэнть шумбрасто касынь...
Нармушкатне велькссэнь морост морасть,
Зярдо кецязь школав мон молинь.
Чипаеськак менельсэнть тень мизолдсь,
Эсь лембензэ ды валдонзо кайсь,
Валскемартонь ванькс ды экше коштось
Монень шумбра эрямонь вийть макссь.
Мороюткось:
Парынзэлем, тон монь парынзэлем!
Аштят свал пек валдосто икелем!
Покштянь - бабань, тетянь тиринь ёнкс,
Теке сырнесэ артозь, эйкакшонь ёвкс!
Те велесэнть весе монень питней -
Тиринь кудось, школась ды клубось...
Тия весе ютнезь - яксезь китне,
А зняро кеняркс штирьма лейнесь кандсь!
Ашо лисьмась ды цецяв лугатне
Эрьва кизна сынь минек учить,
Сад - пирева пиже чувтопрятне
Велень коштонть эйсэ ванськавтыть...
Эсень ёнксонь ломантнень пек вечксынь!
Свал шумбрачи покш сыненст арсян!
Седейшкава, кедьсэ мештень кирдезь
Мон тенст модас, комазь сюконян!
Весе тынь - монень сазорт ды ялакст!
Весе тынь - монень паро оят!
Раськень модань тынь пек вадря ломанть,
Все монень - патят ды лелят!
Мороюткось:
Парынзэлем, тон монь парынзэлем!
Аштят свал пек валдосто икелем!
Покштянь - бабань, тетянь тиринь ёнкс,
Теке сырнесэ артозь, эйкакшонь ёвкс!
Велем перька - сэрей латктнэ, пандтнэ...
Ансяк русяйкась мезде ашти...
Споедныень вирьстэнть сёксень шкане
Пичень пангонь тансть свал качады!