Школань Эрямосто Кулят

https://bit.ly/3v49XiR Слова: #РиммаЖегалинаАвтор

#НеСпетыеДетские #детские
Вейсэ:
Парсте весе кунсолодо,
Инжеть, оят ды ялгат,
Минек школань эрямодо
Ёвтнетяно тенк кулят.
Мороюткось:
Куш кемть, куш иля,
Истямо маринь куля.
Цёрынькатне:
Минек школасонок улить
Кавто ялгат-тейтерькат.
Сынь грамматикань уроксо
Лабордыть, прок сезякат.
Мороюткось.
Тейтерькатне:
А минек классо тонавтнить
Кавто ялгат-цёракат.
Математикань уроксо
Ловныть ансяк варакат.
Мороюткось
Цёрынькатне:
Минек классо ули тейтерь,
Пек мазыйстэ наряжи.
Уроксто чоп прянзо ванкшны
–Тонавтыцянть а мари.
Мороюткось
.
Тейтерькатне:
Ули Вася цёрыньканок
–Оймсема шкастонть пижни.
Уроксто калокс чатьмони,
Кевкстьсызь – келензэ нильсы.
Мороюткось
Цёрынькатне:
Пек мазый тейтерькась Галя,
Прясонзо верьга канды.
А «шумбрат», а «сюкпря» валтнэнь
Минек Галя а соды.
Мороюткось
.
Тейтерькатне:
Ули минек цёраканок,
Маралякс (богатырькс) прянзо кирди.
Виевтнеде сонсь аварди,
Тейтерька марто тюри.
Мороюткось
Вейсэ:
Минь морынеть тенк морынек,
Истямо куля маринек:
Ки миненек пек цяпи,
Шоколадка получи.
Источник: http://www.worldcat.org/oclc/930958122