Эйкакшпингестэ

http://bit.ly/3sD76fA Слова: #АлександрАраповАвтор

Исполнение: #АлександрАрапов
Чикор-лакор тон, морак, чарыне,
Чикордт, удомам курок явавтык, —
Базаров уски Гнедой эйсэнек,
Костязь умарень уски микшнеме.
Тосо покштям тень рами тутушка,
Рами шарт монень ожот, якстереть...
Венсти обезьган — мазый таташке,
Венсти ламбамо монень атякшке,
Венсти сон монень келей книгине —
Тосо рисовазь ашо нумолот,
Тюжа овтынеть, калт ды утякат.
Кудов сатано — кецни менелесь —
Тетям каршонок сёрмав панарсо, —
Чевтьстэ сайсамам, кутмордасамам,
Кудыкелев монь, экшес, мадстьсамам.
Прялом путы сон чевте тодовне,
Кода мон вечкан, ве цёрынезэ.
Теке нармушка, састо сутяман,
Онстом неса мон покштянь крандазонть…
Ардан крандазсо ськамон паксява...
Источник: http://www.worldcat.org/oclc/215190075