Дова Бабине

http://bit.ly/2ZeYD5E Слова: #народные #МордовскиеНародныеПесни1969

Исполнение: #Toorama
Ой, дова, дова, дова бабине,
Дова бабине - бояравине.
Кода те дова какат дирякшнось,
Кода те дова какат ванокшнось.
Мешок потмакссо довань почтондо,
Ожа юрнэсэ довань ямксондо,
Ожа юрнэсэ довань ямксондо.
Паця сюлмосо довань салондо.
Паця сюлмосо довань салондо,
Ёжо потмосо сондо валозо.
Истя те дова какат дирякшнось
Истя те дова какат ванокшнось.
Почтондо маштыть - ямксондо раштыть,
Ямксондо маштыть - салонзо раштыть.
Ох, дова думась урьвань саеме,
Ох, дова думась свадьбань тееме.
Сисем велева урьва ваннокшнось,
Сисем уездга урьва вешнекшнэсь.
Сисем велестэ урьва эзь муе,
Сисем уездстэ урьва эзь муе.
Печкенееь дова Равонъ томбалей,
Печкенесь дова Равонь тонa бокс,
Равонь томбале, эрзя велева,
Равонь томбале, эрзя уездга,
Эсь кондямондо дова ваннокшнось,
Эсь кондямондо дова муекшнэсь.
Ох, и чиякшнызе дова, ладизе,
Валцкине дова кудов пурнакшнось.
Ох, кода дова сакшнось кудов-чив,
Ох, кода сакшнось кудов-кардазов,
Ох, сисем лангсо сынь кильдикшнэсть,
Ох, сисем парат сынь саекшнэсть.
Ох, коданя те дова сыргакшнось,
Коданя те дова туекшнэсь,
Вай, колоньгемень куда саекшнэсь,
Вай, кемгавтово андат саекшнэсь.
Мастор зэрякаць довань пильгалдо,
Менель лажакаць довань пря вельксстэ.
Кода молекшнэсь дова орта лангс,
Кода пачколесь дова кардаз ваксс,
Покш од алязо карчо лисекшнэсь,
Покш од алязо карчо лисекшнэсь,
Покш од альказо карчо стречазо.
- Ох, сватушкам, а монь батюшкам,
Ох, монь сватушкам, а монь дорогой,
Тон иляк совавт, тон башкир виеть,
Тон иляк совавт, тон ногай виеть.
Матрё дугамок эзем пирясо,
Эзем пирясо, ашо кошмасо.
- Ох, монь сватушка, а монь батюшка,
Ужо мон варштан эзем пирява:
Лембень - а лембе тела ёжозо?
Мазынь - а мазынь чама лицязо?
Ох, кода дова ,совась кудов-чив,
Ох, кода дова совась кардазов,
Ох, телынезэ Матрёнь лембине,
Ох, ликинезэ Maтрёнь мазыйне.
- Совадо, кудат, а тынь совадо,
Совадо, андат, а тынь совадо,
Совадо, андат, а тынь совадо,
Киштиде, кудат, а тынь киштиде,
Пильгенк вачкодинк - мостке синдеде,
Пильгенк вачкодинк - мостке синдеде.
Пирянк келединк - потолок ёртодо,
Пирянк келединк - потолок ёртодо,
Кеденк аулдынк - стена сезедэ,
Кеденк яхудинк - стена сезедэ,
Вайгель таргадо - вальма порксадо,
Моро нолдадо веле глушадо.
Источник: https://ale07.ru/music/notes/song/npr/mordovia.htm