Мокшо

http://bit.ly/3aYpZT2 Слова: #народные #МордовскиеНародныеПесни1969

#НеСпетыеНародные
Ох,мокшо, мокшо, да, вай, сюпав мокшо,
Да, вай, мокшо, мокшо, да сон эрикс мокшо.
Карадо-карчо да мокшонь кудондо,
Да ливти карцигант ды мокшонь вальмандо,
Ливти карцигант да мокшонь вальмандо,
Да пиля лазонь кустиманяндо.
Вай, верей ваныть мокшонь крильцяндо,
Вай, жестьсэ вельтязь мокшонь кудондо.
Вай, жестьсэ вельтязь мокшонь кудондо,
Вай, тынсэ пирязь мокшонь кардазозо,
Ох, тынсэ пирязь мокшонь кардазозо,
Вай, тёссо вельтязь мокшонь латондо,
Вай, тёссо вельтязь мокшонь латондо,
Да сэрьц а саивить, да, орта столбандо,
Сэрьц а саивить да орта столбандо.
Да панжумас путозь да мокшонь ортандо,
Панжумас путозь да мокшонь ортандо,
Да сёлгомас путозь да орта столбандо.
Кияк а соды да мокшонь пародо,
Ды кияк а соды да мокшонь добрадо.
Явикс паксясо, келя, дённой розбойникть,
Явикс вирьсэ, келя, дённой атаман.
Сынь и марякшность, келя, пародо,
Да сынь и содавкшность ды мокшонь добрадо.
Ох, думакшность, келя, мокшонь саламо,
Да, вай, думасть-арсесть да мокшонь грабамо.
Кемгавтовонест да дённой розбойникть,
Кемголмовоцесь да сынст атаманост,
Кемголмовоцесь да сынст атаманост,
Кемнилиецесь да сынст есаулост,
Кемнилиецесь да сынст есаулост,
Да кеветеецесь да сынст сивой ракшаст.
Кода сыргакшность да мокшонь салама,
Да кода туекшнэсть да мокшонь грабамо,
Мастор зэрякаць да сынст и пильгалдо,
Да менель лажакаць да сынст и пря велькстэ.
Кода молекшнэсть да мокшонь орта лангс,
Да кода пачколесть да мокшонь кардаз вакс,
Сынь якить-пакить, да сынь а совавить,
Да сынь велить-чарыть, да сынь а эцевить.
А сивой ашти да сон сех удало,
Да, вай, сивой ашти сон сех ве ёно.
- Ужо, нолдымизь, келя, монь икелей,
Да, ужо, нолдымизь монь эсь олясон.
Мон весть аулдан, келя, мон лазнэ синдян,
И мон кавксть аулдан, и мон кавто синдян.
Кода нолдакшнызь, келя, сивой икелий,
Кода нолдакшнызь и сон эсь олясо,
Ох, весть аулдась, келя, сивой лазнэ синць,
Вай, кавксть аулдась и сивой кавто синць.
Те юткиневанть, келя, сынь и совакшность,
Да те юткиневанть да сынь и эцекшнэсть.
- Минь коть соватан, келя, добра а ливтян,
Минь коть соватан и паро а сайдян.
Ох, весе, весе, кля, мокшонь ливтикшнызь,
Да весе, весе да мокшонь ваткакшнызь.
Только эзь муевть да золотань казнась,
Только эзь саевть и боцька золотась.
- Дайте соватан, келя, минь путонь кудос,
Дайте соватан и эрям чинес,
Дайте кевкссынек, келя, золотань казнанть,
И дайте таргавтсынек, келя, боцька золотанть.
Кода совакшность сынь путонь кудос,
Сынь кода совакшность да эрямо чинес,
Ох, пецька крайсэ, кля, мокшонь баба,
Да кровать утолцо да сон мокшюнь атя.
Ох, мокшо, мокшо, кля, тон сюпав мокшо,
Давай, мокшо, мокшо, да тон эрикс мокшо,
Минек тевесь, кля, парот ливтинек,
Минь весе, весе да добрат ватксинек,
Только эзь муев, кля, золотань казнась
И только ззь саеве боцька золотась.
Дайка, ёвтыка, кля, золотань казнанть,
Дайка ёвтыка да боцька золотанть.
Источник: https://ale07.ru/music/notes/song/npr/mordovia.htm