Творчасці беларускіх кампазітараў была прысвечана лекцыя-канцэрт, якая адбылася 22 лістапада ў дзіцячай школе мастацтваў №2 імя У.У. Алоўнікава. У выкананні навучэнцаў і педагогаў школы прагучалі творы С.Бельцюкова, В.Іванова, У.Алоўнікава, А.Атрашкевіч, І.Мангушава і іншых аўтараў. Зацікавілі слухачоў таксама раманс і інструментальная п’еса настаўніка па класе фартепіяна Таццяны Наркевіч, якая ўжо доўгі час стварае музычныя кампазіцыі. Мерапрыемства дазволіла ўсім прысутным пазнаёміцца з класічным і сучасным музычным мастацтвам нашай краіны.