«ДУШОЮ І СЭРЦАМ СЛУЖЫЛІ БЕЛАРУСІ»

У 2022 годзе споўнілася 140 год са дня нараджэння славутых беларускіх пісьменнікаў Янкі Купалы і Якуба Коласа. З гэтай нагоды, а таксама да 100-годдзя са дня нараджэння кампазітара Генрыха Вагнера 21 снежня у Малой зале дзіцячай школы мастацтваў імя У.У. Алоўнікава адбылося памятнае мерапрыемства. Каб пазнаёміцца з творчасцю і жыццёвым шляхам выдатных дзеячаў беларускай культуры, настаўнік музычна-тэарэтычных дысцыплін Марыя Сяргееўна Севярын запрасіла слухачоў у музычную гасцёўню. У выкананні салістаў і народных калектываў школы на вечары прагучалі лірычныя творы беларускіх кампазітараў Г.Вагнера, Я.Глебава, Я.Тарасевіча, беларускія народныя песні, а таксама цудоўныя мелодыі Ігара Лучанка на словы Я.Коласа і Я.Купалы. Сярод іх – знакамітыя песні «Мой родны кут» і «Спадчына».
У вечары прынялі ўдзел вучні Павел Дрань, Ігнат Пракопчык, Арцём Аўчыннікаў, Карына Карагіна, Ягор Русакоў, фальклорны ансамбль «Перапёлачка» (кіраўнік Вольга Барысава), а таксама настаўнікі Любоў Вяроўкіна, народны ансамбль рускіх народных інструментаў «Гратэск» (кіраўнік Аляксандр Ефімук), народны вакальны ансамбль «Гармонія» (кіраўнік Ганна Клімовіч), канцартмайстары Марына Філіповіч, Юлія Казлова, Ала Сямёнава.