Прыгожая, слаўная, самабытная — вёска Дражна.

Жывуць тут руплівыя працаўнікі, дбайныя гаспадары … У іх гонар і ладзілася свята вёскі — з канцэртам, цікавымі выставамі. Гукі музыкі, вясёлая гамонка і звонкі смех разносіліся па-над вёскай аж да самага вечара. І здавалася, гэтая сустрэча яшчэ больш зблізіла людзей, якія шмат гадоў жывуць і працуюць побач. “Блізкі сусед лепшы за далёкую радню”, — казалі нашы продкі. І свята вёскі Дражна ў чарговы раз дало магчымасць мясцовым жыхарам упэўніцца ў справядлівасці гэтых слоў, больш даведацца адзін пра аднаго, каб і надалей жыць гэтак жа дружна, зладжана, весела.