1657 — падчас трынаццацігадовай вайны Маскоўскай дзяржавы з Рэччу Паспалітай (1654-1667) маскоўскае войска заняло Брэст.
1943 — у Магілёве пачаў працу Медыцынскі інстытут.
1922 — у Полацкім Спасаўскім манастыры ускрылі мошчы Ефрасінні Полацкай і адправілі іх у Маскву на выстаўку, а потым — у Віцебскі краязнаўчы музей.
2000 — "Малады Фронт" правёў у гарадах Беларусі грамадскую акцыю "Горад наш!". У ноч на 14 траўня ў Мінску, Магілеве, Віцебску, Бресці, Барысаве, Заслаўі былі ўзнятыя нацыянальныя бел-чырвона-белыя сцягі.

НАРАДЗІЛІСЯ:
1624 — Сапега Алякса́ндр Казімір (мястэчка Мацееў, цяпер гарадскі пасёлак Луков, Турійскі раён, Валынская вобласць, Украіна)— рымска-каталіцкі і дзяржаўны дзеяч Вялiкага Княства Лiтоўскага. Каралеўскі сакратар (з 1547), канонік вілейскі (з 1649) і варшаўскі (з 1651), біскуп-суфраган віленскі (з 1655), рэфэрэндар духоўны вялікі літоўскі (1657-1659), біскуп жамойцкі (1659-1667) і віленскі (з 1668).
1680 — Вішнявецкі Мі́хал Серва́цы (г. Львоў, Украіна)— беларускі празаік і паэт, дзяржаўны і вайсковы дзеяч Вялiкага Княства Лiтоўскага, гетман польны (1702-1703, 1707-1709) і вялікі літоўскі (1703-1707 і з 1735), кашталян (1703-1706) і ваявода віленскі (1706-1707 і з 1735), канцлер вялікі літоўскі (1720-1735).
1802 — Гедройц Ян Стэфан (мястэчка Альсяды, Цельшаўскі павет, Віленскае ваяводства, ВКЛ) — рымска-каталіцкі і дзяржаўны дзеяч Вялікага Княства Літоўскага, біскуп інфлянцкі (з 1764) і жамойцкі (з 1778).
1840 — Цітус Далеўскі (фальварк Кункулка, Лідскі павет)— адзін з кіраўнікоў паўстання 1863-1864 гг. і паплечнік Кастуся Каліноўскага.
1876 — Гайдукевіч Станіслаў Сільвестравіч (г. Мінск) — беларускі архітэктар. Будаваў даходныя дамы па вул Захар’еўскай (вул. Савецкая, 17, 1912), Падгорнай (вул. К. Маркса, 1913), у свой час пабудаваў Польскі банк, сумесна з Г. Гаем – дом Мінскага таварыства ўзаемнага сельскагаспадарчага страхавання, дзе зараз размяшчаецца МУС Беларусі. Вязень ГУЛагу.
1879 — Серада Янка (Іван Мікітавіч) (вёска Задзвеі, цяпер Баранавіцкі раён, Брэская вобласць) — беларускі грамадскі і палітычны дзеяч, старшыня прэзідыума Рады Беларускай Народнай Рэспублікі, педагог, публіцыст. Прапаў без вестак пасля 19 лістапада 1943 г.
1894 — Ермачэнка Іван Абрамавіч (Авраамавіч) (вёска Капачоўка, цяпер Барысаўскі раён, Мінская вобласць) — беларускі палітычны дзеяч, публіцыст. У 1921 г. прадстаўнік урада БНР у Канстанцінопалі і генеральны консул на Балканах; заснаваў консульскія аддзелы БНР у Югаславіі і Балгарыі. З’яўляўся адным з арганізатараў Беларускага камітэта ў Турцыі. У 1922 г. намеснік міністра замежных спраў БНР у Коўне. Дзеяч эміграцыі ў ЗША. Звяртаўся да старой эміграцыі праз рускамоўную прэсу і заклікаў стварыць у Амерыцы беларускую грамадскую арганізацыю — зямляцтва, мэтай якога будзе дапамога суайчыннікам у Германіі запрашэннямі, грашыма, працай і жыллём. Адзін з заснавальнікаў Злучанага беларуска-амерыканскага дапамогавага камітэта ў Саўт-Рыверы (штат Нью-Джэрсі). Вязень ГУЛагу.
1895 — Паўлюкоўскі Уладзіслаў (вёска Ініца, цяпер Стаўбцоўскі раён, Мінская вобласць) — беларускі паэт, празаік, этнограф, мастак. Вязень ГУЛагу.
1905 — Манковіч Сцяпан Сцяпанавіч (вёска Беразіно, цяпер Докшыцкі раён, Віцебская вобласць) — партызан, удзельнік Другой сусветнай вайны, Герой Савецкага Саюза (1944).
1905 — Станюта Стэфанія Міхайлаўна (г. Мінск) — выдатная беларуская акторка, легенда сцены, артыстка Нацыянальнага акадэмічнага тэатру імя Янкі Купалы.
1915 — Лемяшонак Тодар (вёска Рагазы, цяпер Маладзечанскі раён, Мінская вобласць) — грамадскі дзеяч беларускай дыяспары ў Вялікабрытаніі, сябра Згуртавання беларусаў Вялікай Брытаніі.
1921 — Качан Аркадзь (вёска Барсукі, цяпер Докшыцкі раён, Віцебская вобласць) — беларускі грамадскі і вайсковы дзеяч, дзеяч беларускай эміграцыі ў Аўстраліі. Адзін з заснавальнікаў і доўгагадовы сакратар Беларускага аб’яднання ў Новай Паўднёвай Валіі. Сябра Рады БНР, Беларускага культурна-грамадскага клуба і Федэральнай рады беларускіх арганізацый у Аўстраліі. Пры канцы 1970-х гг. — беларускі прадстаўнік у Выканаўчым камітэце Этнічнай рады ў Новай Паўднёвай Валіі. Адзін са стваральнікаў і каардынатар беларускага радыё ў Сіднеі. Сталы фундатар беларускіх выданняў і ўстаноў на эміграцыі.
1921 — Тамашэвіч Мікалай Мікалаевіч (вёска Новыя Валосавічы, цяпер Лепельскі раён, Віцебская вобласць) — вайсковец, танкіст, малодшы лейтэнант, удзельнік Другой сусветнай вайны, Герой Савецкага Саюза (1944).
1923 — Грабчыкаў Сцяпан Мітрафанавіч (вёска Логвіна, цяпер Горацкі раён, Магілёўская вобласць) — беларускі мовазнаўца, кандыдат філалагічных навук.
1928 — Дуляга Алег (вёска Асінаўка, Віленскі павет) — беларускі грамадскі дзеяч на эміграцыі ў ЗША, удзельнік вайны ў Карэі ў 1953-1954 гадах, сябра Згуртавання беларусаў Паўночнай Амерыка і Беларуска-амерыканскага задзіночання, старшыня царкоўнай рады царквы ў Гайленд Парку, скарбнік.
1933 — Кішчанка Аляксандр Міхайлавіч (вёска Белы Калодзеж, Багучарскі раён, Варонежская вобласць, Расія) — беларускі мастак, аўтар вядомага “Габелену стагоддзя”, які занесены ў кнігу рэкордаў Гінеса. Народны мастак Беларусі (1991).
1939 — Аляксій Філатаў (сапр. Філатаў Леанід Георгіевіч) (вёска Бабінічы, Віцебскі раён, Віцебская вобласць) — беларускі пісьменнік, педагог, публіцыст.
1941 — Сербантовіч Анатоль Станіслававіч (вёска Ордаць, Шклоўскі раён, Магілёўская вобласць) — беларускі паэт.
1949 — Захаранка Мікола (Мікалай Андрэевіч) (г. Васілевічы, Рэчыцкі раён, Гомельская вобласць) — беларускі паэт, празаік і драматург.
1949 — Краўчанка Сяргей Усеваладавіч (г. Мінск) — беларускі акцёр. Заслужаны артыст Рэспублікі Беларусь (2001).
1950 — Колас Людміла Якаўлеўна (г. Чарнаўцы, Україна) — беларуская оперная спявачка (сапрана). Заслужаная артыстка БССР (1983).
1951 — Голуб Тэрэрза Станіславаўна (вёска Рудня, Валожынскі раён, Мінская вобласць) — беларускі літаратуразнавец, тэкстолаг, крытык, кандыдат філалагічных навук (2001), лаўрэат прэміі імя Максіма Гарэцкага.
1966 — Ванкевіч Алена Васілеўна (г. Масква, Расія) — беларускі вучоны-эканаміст, педагог, доктар эканамічных навук, прафесар.
1986 — Рыбак Аляксандр Ігаравіч (г. Мінск) — нарвежскі скрыпач, спявак, кампазітар і акцёр. Пераможца конкурсу песні “Еўрабачанне-2009” у Маскве.

ПАМЕРЛІ:
1935 — Тышкевіч Генрык Бенедыкт (г. Ментона, Францыя) — нашчадак беларускага шляхецкага роду, фатограф, калекцыянер. Адзін з піянераў мастацкай фатаграфіі Беларусі і Літвы.
1942 — Курыленка Уладзімір Цімафеевіч (вёска Выстаўка, Дзямідаўскі раён, Смаленская вобласць, Расія) — партызан-падрыўнік партызанскага атрада І. Р. Ўлапакова ў Смаленскай вобласці. Герой Савецкага Саюза (01.09.1942, пасмяротна). Быў пахаваны ў месцы баёў у вёсцы Выстаўка. У 1947 годзе прах Героя перанесены і перапахаваны ў горадзе Смаленску ў Скверы памяці Герояў ля Крамлёўскай сцяны.
1948 — Голяк Валер’ян (г. Вілейка, Мінская вобласць) — каталіцкі святар, пробашч і дэкан ашмянскі. Вязень ГУЛагу.
1950 — Патоцкая (дзяв. Радзівіл) Альжбета Мацільда (г. Лазана, Швейцарыя) — дачка нясвіжскага і клецкага ардынатара Антоні Вільгельма Радзівіла.
1975 — Сабаленка Раман Карпавіч (г. Мінск) — беларускі празаік, паэт, публіцыст. Вязень ГУЛагу.
1977 — Свідзерскі Савелій Аляксеевіч (г. Краматорск, Данецкая вобласць, Украіна) — вайсковец, маёр, удзельнік Другой сусветнай вайны, Герой Савецкага Саюза (1945).
1981 — Мержаеўская Вольга Іванаўна (г. Мінск) — вучоны ў галіне энтамалогіі, доктар біялагічных навук (1974).
1986 — Ігнаценка Васіль Іванавіч (г. Масква, Расія) — ліквідатар аварыі на Чарнобыльскай АЭС, камандзір аддзялення 6-й самастойнай ваенізаванай пажарнай часці па ахове горада Прыпяць, Герой Украіны (2006).
1990 — Орса Пётр (ЗША) — беларускі грамадска-палітычны дзеяч на эміграцыі ў Германіі і ЗША. Радны Беларускай Цэнтральнай Рады. Належаў да Беларускага кангрэсавага камітэта Амерыкі. Член парафіі Святой Еўфрасіні Полацкай. Пахаваны на беларускіх могілках у Іст-Брансуіку.
2005 — Каралёў Алесь Іванавіч (г. Жодзіна, Смалявіцкі раён, Мінская вобласць) — беларускі гісторык, краязнаўца, настаўнік, выдатнік народнай адукацыі, пісьменнік. Нарадзіўся ў 1948 годзе.
2005 — Клімава Аляксандра Іванаўна (г. Мінск) — служыла ў Нацыянальным акадэмічным тэатры імя Горкага (Мінск). Народная артыстка СССР (1969).
2006 — Мазаляка Іван Міхайлавіч (г. Мінск) — беларускі дзяржаўны дзеяч, міністр прамысловага будаўніцтва (1979-1985), міністр будаўніцтва і эксплуатацыі аўтамабільных дарог БССР (1989-1991).