1773 — практык медыцыны, хірургіі і акушэрства Фрэдэрык Тэадор Эме выразаў у 24-гадовай нясвіжскай сялянкі Агнешкі Хамовой опухаль малочнай заложы вагай 3,7 кг.
1775 — заснавана Гродзенская медыцынская акадэмія.
1863 — каб пазбегнуць палону застрэліўся Баляслаў Кульчыцкі, адзін з кіраўнікоў нацыянальна-вызвольнага паўстання.
1954 — Беларуская ССР прынята ў ЮНЕСКА — Арганізацыю Аб’яднаных Нацый па пытаннях асветы, навукі і культуры.

НАРАДЗІЛІСЯ:
1559 — Радзівіл Станіслаў (мястэчка Лукiшкi каля Вiльнi) — дзяржаўны і вайсковы дзеяч Вялiкага Княства Лiтоўскага, ардынат Олыцкі (1586-1599), маршалак вялікі літоўскі (1592-1595), галоўны стараста жмудскі (1595-1599).
1670 — Аўгуст “Моцны”(у Саксонii Фрыдрых Аўгуст I, у Польшчы Аўгуст II), (г. Дрэздэн, Германія) — курфюрст саксонскі (1694-1733), кароль польскі і вялікі князь літоўскі (1697-1706, 1709-1733).
1800 — Ваньковіч Валянцій (Валенці-Вільгельм) (вёска Калюжыца, цяпер Бярэзінскі раён, Мінская вобласць) — беларускі мастак, прадстаўнік рамантызму, выдатны майстар партрэта першай паловы ХІХ ст..
1833 — Дыбоўскі Бенядзікт Іванавіч (маёнтак Адамарын, цяпер Маладзечанскі раён, Мінская вобласць) — беларускі, расійскі і польскі заолаг, прыродазнаўца, лекар, публіцыст. Даследаваў азёры Свіцязь, Чорнае і іншыя. За ўдзел у паўстанні 1863-1864 гг. Сасланы ва Усходнюю Сібір. У 1878-1882 гг. вывучаў рэкі Амур і Ангара, прыроду Хабараўскага краю, Камчаткі і Камандорскіх астравоў, даследаваў фаўну Байкала.Член-карэспандэнт АН СССР (1928).
1861 — Здзяхоўскі Марыян Эдмундавіч (вёска Ракаў, цяпер Валожынскі раён, Мінская вобласць) — літаратуразнавец і філосаф, рэктар Універсітэту Стэфана Баторыя (1925-1926).
1894 — Ляўкоў Максім Архіпавіч (вёска Кавалі, цяпер Бабруйскі раён, Магілёўская вобласць) — беларускі дзяржаўны дзеяч, народны камісар юстыцыі БССР (1931 - кастрычнік 1932), генеральны пракурор БССР (1931 - верасень 1933), сакратар ЦВК БССР (верасень 1933 – ліпень 1937). Вязень ГУЛагу.
1906 — Каваленка Якаў Раманавіч (вёска Раніца, цяпер Віцебскі раён, Віцебская вобласць) — расійскі ветэрынарны мікрабіёлаг, эпізаатолаг. Заслужаны дзеяч навукі РСФСР (1974).
1906 — Фамін Сяргей Уладзіміравіч (вёска Пепелеўка, цяпер Манастыршчынскі раён, Смаленская вобласць, Расія) — беларускі паэт. Вязень ГУЛагу.
1912 — Мейман Навум Натанавіч (г. Баранавічы, Брэсцкая вобласць) — расійскі матэматык, фізік, доктар фізіка-матэматычных навук ((1937), актывіст яўрэйскага руху.
1918 — Кляцкоў Леанід Герасімавіч (вёска Шыліна, цяпер Шумілінскі раён, Віцебская вобласць) — партыйны і дзяржаўны дзеяч БССР, першы сакратар Гродзенскага абласнога камітэта КПБ (16.09.1972-15.11.1989).
1931 — Бровікаў Уладзімір Ігнатавіч (г. Ветка, Гомельская вобласць) — савецкі і беларускі дзяржаўны і партыйны дзеяч, 2-гі сакратар Аршанскага РК КПБ (1965-1966), сакратар Віцебскага абкама КПБ (1970-1972), 2-гі сакратар ЦК КПБ (04.12.1978-17.08.1983), старшыня Савета Міністраў БССР (08.07.1983-10.01.1986).
1931 — Урбановіч Вітольд (г. Ашмяны, Гродзенская вобласць) — польскі мастак. Майстар станковага і манументальнага жывапісу (мадэрнісцкага стылю), аўтар абразоў.
1942 — Бароўскі Анатоль (вёска Крушнікі, Мазырскі раён, Гомельская вобласць) — беларускі пісьменнік.
1946 — Банькоўскі-Цюліг Моніка (г. Цюрых, Швейцарія) — швейцарская славістка. Даследуе швейцарска-беларускія узаемасувязі. Актыўна ўдзельнічае ў беларускіх навуковых форумах, рэгулярна выступае на замежных канферэнцыях з беларусістычнай тэматыкай. Аўтар шэрату беларустычных публікацый.
1951 — Варанецкі Аляксандр Арсенавіч (г. Маладзечна, Мінская вобласць) — акцёр цырка, клоўн. Заслужаны артыст Беларусі (1979).
1981 — Дзмітрыеў Андрэй Уладзіміравіч (г. Мінск) — беларускі бізнесмен, палітык, намеснік кіраўніка грамадскай кампаніі “Гавары праўду”, на прэзідэнцкіх выбарах 2010 года кіраўнік штаба кандыдата ў прэзідэнты Уладзіміра Някляева, беларускі палітвязень, кандыдат у Прэзідэнты Рэспублікі Беларусь на выбарах 2020 года.
1992 — Худзенка Вольга Сяргееўна (г. Хойнікі, Гомельская вобласць) — беларуская веслярка на байдарцы, двухразовая чэмпіёнка свету (2015, 2017), двухразовая чэмпіёнка Еўропы (2011, 2015). Двухразовы бронзавы прызёр Алімпійскіх гульняў (2012, 2016).

ПАМЕРЛІ:
1617 — Галоўчынскі Аляксандр Яраслававіч — дзяржаўны дзеяч Вялікага Княства Літоўскага, староста лідскі (1602-1613), кашталян жамойцкі (1604-1614), ваявода мсціслаўскі (1614-12.05.1617). Нарадзіўся каля 1570 года.
1781 — Сангушка Юзэф Паўлін Ян Адам (вёска Краковец, цяпер Явараўскі раён, Львоўская вобласць, Украіна) — дзяржаўны і вайсковы дзеяч Вялікага Княства Літоўскага, маршалак надворны літоўскі (1760-1768) і вялікі літоўскі (з 1768).
1838 — Снядэцкі Анджэй (Енджэй) (г. Вільня, цяпер г. Вільнюс, Літва) — польскі хімік, лекар, філосаф і асветнік, выкладчык Віленскага унівэрсітэта, адзін з стваральнікаў “Таварыства шурбаўцаў” (гультаёў). Яго сябры ўзялі сабе за мэту з дапамогай сатыры высмейваць п’янства, карцёжныя гульні, суцяжніцтва, фанабэрыстасць і іншыя заганы шляхціцаў і магнатаў. Таварыства мела пячатку з выявай скрыжаваных рыдлёўкі і мятлы ў дубовым вянку і сваю газэту “Ведамасці Бруковыя”.
1842 — Ваньковіч Валянцій (Валенці-Вільгельм) (г. Парыж, Францыя) — беларускі мастак, прадстаўнік рамантызму, выдатны майстар партрэта першай паловы ХІХ ст.. Пахаваны на могілках Манмартр (г. Парыж, Францыя).
1863 — Кульчыцкі Баляслаў (на поўнач ад Полацку каб пазбегнуць палону застрэліўся) — адзін з кіраўнікоў паўстання 1863-1864 гг.
1868 — Пішчала Рудольф (вёска Гарадзішча, цяпер Мінскі раён, Мінская вобласць) — дзяржаўны дзеяч. Найбольш вядомы як будаўнік гарадской турмы ў Мінску (пачатак будаўніцтва ў 1821 годзе), якая цяпер вядома як Пішчалаўскі замак.
1940 — Хадыка Уладзімір Марцінавіч (станцыя Ер, Паўночлаг, Навасібірская вобласць, Расія) — беларускі паэт, перакладчык. Вязень ГУЛагу.
2002 — Майсейчык Аляксей Антонавіч (г. Брэст) — беларускі літаратуразнавец і крытык, кандыдат філалагічных навук (1967). Пахаваны ў Брэсце на могілках “Плоска”.
2006 — Асвяцінскі Геральд Баляслававіч (г. Мінск) — беларускі тэатральны дзеяч. Заслужаны дзеяч культуры БССР (1968).
2019 ― Гаховіч Валянціна Георгіеўна (г. Навагрудак, Гродзенская вобласць) ― беларускі настаўнік. Выдатнік народнай асветы БССР (1970). Заслужаны настаўнік БССР (1974). Адзін з чатырох беларускіх педагогаў, якія атрымалі званне “Народны настаўнік СССР” (1985).
2020 — Марквардэ Мечыслаў Мар’янавіч (г. Мінск) — беларускі рэнтгенолаг, доктар медыцынскіх навук (1981), прафесар (1982).