НАРАДЗІЛІСЯ:
1585 — Соф'я Слуцкая (з роду Алелькавічаў, у шлюбе Радзівіл) (г. Слуцк, Мінская вобласць) — княгіня, асветніца, праваслаўны дзеяч, прылічана да беларускіх праваслаўных святых.
1759 — Радзівіл Геранім Вінцэнт (г. Нясвiж, Мінская вобласць) — князь Свяшчэннай Рымскай імперыі, дзяржаўны дзеяч Вялiкага Княства Лiтоўскага, падкаморны ВКЛ з 1779, ротмістр гусарскай харугвы ў войску ВКЛ з 1780, ардынат на Клецку, староста мінскі з 1783, пасол на соймы ў 1780 і 1784 дэпутат Трыбунала ВКЛ у 1782-1783.
1788 — Ачапоўскі Міхаіл (вёска Пацеёкі, цяпер Капыльскі раён, Мінская вобласць) — беларускі і польскі аграбіёлаг, эканаміст і гісторык. Прафесар Віленскага універсітэта.
1805 — Азямблоўскі Юзаф (г. Мінск) — беларускі і польскі мастак-графік, гравёр. Заснаваў у Вільні літаграфічную майстэрню, дзе ілюстравалі свае кнігі вядомыя пісьменнікі Юзаф Крашэўскі, Тэадор Нарбут і іншыя.
1824 — Лакіер Аляксандр Барысавіч (г. Таганрог, Растоўская вобласць, Расія) —расійскі гісторык, першы класіфікатар рускай геральдыкі. У напісанай ім кнізе “Русская геральдика” (СПБ., 1855) прыведзены табліцы з дзвюма сотнямі гербаў і прозвішчамі іхніх уладальнікаў, якія мелі пэўныя генеалагічныя сувязі з тэрыторыяй як Рэчы Паспалітай у цэлым, так і Беларусі ў прыватнасці.
1862 — Макрэцкі Стэфан (вёска Дзмітрыкі, цяпер Лідскі раён, Гродзенская вобласць) — генерал, палітычны дзеяч Сярэдняй Літвы.
1888 — Ірвінг Бэрлін (сапр. Ізраіль Ісідор Бейлін, Ізраіль Майсеявіч Бейлін) (г. Талочын, цяпер Віцебская вобласць) — амерыканскі кампазітар, аўтар песні «Божа, дабраславі Амерыку», якая лічыцца неафіцыйным гімнам Злучаных Штатаў Амерыкі.
1891 — Фядзюшын Анатоль Уладзіміравіч (г. Слуцк, Мінская вобласць) — расійскі вучоны ў галіне заалогіі, арніталогіі, паразіталогіі, аховы прыроды і паляўнічай гаспадаркі, доктар біялагічных навук (1938), прафесар (1927). Заслужаны дзеяч навыукі РСФСР.
1894 — Булат Сцяпан Герасімавіч (вёска Слабада, цяпер Уздзенскі раён, Мінская вобласць) — беларускі журналіст і палітычны дзеяч, загадчык аддзела ЦК КП(б)Б па працы ў вёсцы (1920-1921), сакратар ЦК КП(б)Б (1921-1921). Адзін з падпісантаў “Заявы 32-х”, якая з’яўлялася спробай распрацаваць і прапанаваць партыйнаму кіраўніцтву накід платформы нацыянальна-дзяржаўнага адраджэння савецкай Беларусі з улікам становішча па выніках Рыжскага міра. Былі зроблены прапановы пашырыць рэспубліку на ўсход, распачаць беларусізацыю краю, надаць беларускай мове статус дзяржаўнай. У 1930-х гг. група падпісантаў кваліфікавалася як “група, што змагаецца супраць генеральнай лініі камуністычнай партыі, за адкол групы беларусаў (камуністаў) ад КПБ”.
1897 — Тычына Анатоль Мікалаевіч (мястэчка Груджай, цяпер Панявежскі павет, Літва) — беларускі графік, патрыярх беларускай каляровай лінагравюры.
1899 — Глебаў (сапр. Сарокін) Глеб Паўлавіч (г. Вазнясенск, цяпер Мікалаеўская вобласць, Украіна) — беларускі акцёр тэатра і кіно, адзін з першых атрымаў званне народнага артыста БССР (1940).
1918 — Фейнман Рычард Філліпс (Куінс, Нью-Ёрк, ЗША) — амерыканскі фізік, адзін з распрацоўшчыкай атамнай бомбы ў Лос-Аламас, лаўрэат Нобелеўскай прэміі па фізіцы (1965). Яго бацька Фейнман Мелвілл Артур (1890-1946) з Мінска, а маці Філіпс Люсіль з Польшчы.
1922 — Мяшкоў Мікалай Максімавіч (г. Крычаў, Магілёўская вобласць) — беларускі гісторык, кандыдат гістарычных навук (1953), прафесар (1968), дзяржаўны дзеяч, міністр вышэйшай і сярэдняй адукацыі БССР (1968-1988). Памёр у 1999 годзе.
1923 — Стэльмах Яўген Міхайлавіч (вёска Вязаўніца, цяпер Асіповіцкі раён, Магілёўская вобласць) — вайсковец, лётчык, старшы лейтэнант, удзельнік Другой сусветнай і карэйскай (1950-1953) войнаў. Герой Савецкага Саюза.
1925 — Занковіч Анатоль (вёска Сіўцы, Вілейскі павет) — грамадскі дзеяч беларускай дыяспары ў ЗША, сябра Беларуска-амерыканскага задзіночання.
1929 — Алейнік Дзмітрый Іванавіч (г. Беразіно, Мінская вобласць) — беларускі жывапісец, працаваў у галіне станковага і манументальнага жывапісу. Адзін з заснавальнікаў гомельскай школы жывапісу. Заслужаны дзеяч мастацтваў БССР (1981).
1933 — Аржахоўскі Ігар Вацлававіч (г. Мінск) — беларускі гісторык, доктар гістарычных навук (1975), прафесар (1980).
1936 — Гіруць Мечыслаў Іванавіч (вёска Шкіладзішкі, цяпер Ашмянскі раён, Гродзенская вобласць) — беларускі палітык, дэпутат Вярхоўнага савета 13-га склікання. Падчас канстытуцыйнага крызісу ў лістападзе 1996 года быў у апазіцыі да А. Лукашэнкі.
1944 — Шаўчонак Марыя Сіланцьеўна (вёска Новы Востраў, цяпер Клічаўскі раён, Магілёўская вобласць) — беларуская паэтэса.
1947 — Баравікова Раіса Андрэеўна (вёска Пешкі, Бярозаўскі раён, Брэсцкая вобласць) — беларуская паэтэса, перакладчыца.
1947 — Дзяшкевіч Мікалай Аляксандравіч (вёска Пагор’е, цяпер Карэліцкі раён, Гродзенская вобласць) — беларускі літаратуразнавец, музеязнаўца, тэатральны крытык. Аўтар даследавння пра Янку Купалу «Ад вытокаў радаводных», дзе адным з першых падрабязна разгледзіў радавод песняра, яго шляхецкае паходжанне. Аўтар нататак прысвечаных Р. Барадуліну, С. Станюце, Г. Аўсяннікаву і іншым дзеячам беларускай культуры.
1956 — Мацкевіч Уладзімір Уладзіміравіч (г. Чаромхава, Іркуцкая вобласць, Расія) — беларускі філосаф і метадолаг, грамадска-палітычны дзеяч, тэлевядучы, заснавальнік і кіраўнік Агенцтва гуманітарных тэхналогій (г. Мінск). Першы кіраўнік Рады Міжнароднага кансорцыума “ЕўраБеларусь” (2011-2016). Заснавальнік праграмы стварэння сучаснага ўніверсітэту ў Беларусі “Лятучы ўніверсітэт”.
1956 — Сікорскі Анатоль Віктаравіч (вёска Гінтаўшчына, цяпер Валожынскі раён, Мінская вобласць) — беларускі лекар, педагог, кандыдат медыцынскіх навук (1988), дацэнт.
1977 — Аўраменка Аляксей Мікалаевіч (г. Мінск) — беларускі дзяржаўны дзеяч, міністр транспарту і камунікацый Беларусі (15.01.2019-)
1991 — Юзары (сапр. Наўроцкі Юрый Віктаравіч) (г. Мінск) — беларускі спявак, які прадстаўляў Беларусь на конкурсе песні Еўрабачанне 2015 з песняй “Time” у дуэцэ з Маймунай.

ПАМЕРЛІ:
1883 — Яленскі Напалеон Феліксавіч (г. Цепліцы, Чэхія) — грамадскі дзеяч, удзельнік паўстання 1830-1831 гадоў, адзін з кіраўнікоў паўстання 1863-1864 гадоў.
1939 — Жаўрыд Павел Якаўлевіч (пасёлак Княж-Пагост, Комі АССР, Расія) — беларускі журналіст, грамадска-палітычны дзеяч, дзеяч нацыянальна-вызваленчага руху, адзін з кіраўнікоў Слуцкага паўстання (Слуцкага збройнага чыну). Вязень ГУЛагу.
1944 — Казей Марат Іванавіч (вёска Хароміцкіе, Узденскі раён, Мінская вобласць) — беларускі партызан, Герой Савецкага Саюзу (пасмяротна).
1953 — Канапацкі Гасан (Хасан) (г. Быдгашч, Польшча) — беларускі ваенны і нацыянальны дзеяч, палкоўнік, камандзір беларускіх ваенных часцей ў польскім войску (1919-1921). Браў актыўны ўдзел у беларускім руху: быў намеснікам старшыні Рады старэйшых Беларускага музычна-драматычнага гуртку і сакратаром Беларускага грамадзянскага сабрання (БГС), пасля расколу ў БГС 21 верасня 1924 — намеснікам старшыні ва ўтворанай Часовай беларускай радзе (да красавіка 1925), якая супрацоўнічала з польскімі ўладамі, супрацстаяла Беларускаму пасольскаму клубу. Кіраўнік рэдакцыі часопіса «Беларускі радны» (21.11.1927-02.04.1928). Старшынёй бацькоўскага камітэта Віленскай беларускай гімназіі (1941-1943), дзе вучыўся яго сын Мацей, пісаў фельетоны ў «Беларускі голас».
1963 — Уласенка Ілья Архіпавіч (г. Кіеў, Украіна) — вайсковец пяхацінец, палкоўнік, удзельнік Другой сусветнай вайны, Герой Савецкага Саюза (17.10.1943).
1983 — Станкевіч (дзявочае Новакава) Марыя (штат Нью-Джэрсі, ЗША) — беларуская грамадская дзеячка на эміграцыі ў ЗША, сябра Беларуска-Амерыканскага задзіночання, некаторы час была кіраўніцай жаночай секцыі арганізацыі. Аўтарка кнігі «Вялікалітоўская кухарка» (Нью-Ёрк, 1959, англамоўнае выданне «Greatlithuanian (Byelorussian) Cookbook» — Нью-Ёрк, 1972). Пахавана ў Іст-Брансуіку на могілках царквы Жыровіцкай Божай Маці Беларускай аўтакефальнай праваслаўнай царквы.
1989 — Гайка Сяргей Андрэевіч (Сібір) — журналіст, стыльрэдактар, вязень ГУЛагу. Усё жыццё збіраў кнігі і пакінуў пасля сябе вялікую бібліятэку, якую сваякі пасля яго смерці спалілі. Нарадзіўся ў 1912 годзе ў вёсцы Ясвілы Гродзенскай губерні.
2007 — Мартаў Юрый Барысавіч (г. Віцебск) — беларускі хірург, доктар медыцынскіх навук 1987), прафесар (1988).
2010 — Прус Рыгор Майсеевіч (г. Віцебск) —беларускі хірург, кандыдат медыцынскіх навук, дацэнт, палкоўнік медыцынскай службы.
2013 — Дубоўскі Мікола (Мікалай Аляксандравіч) (г. Мінск) — беларускі пісьменнік.