НАРАДЗІЛІСЯ:
1868 — Скірмунт Раман Мар’ян (вёска Парэчча, цяпер Пінскі раён, Брэская вобласць) — значны землеўладальнік, мецэнат, гаспадарчы і палітычны дзеяч, віцэ-старшыня Мінскага таварыста сельскай гаспадаркі (1907-1917, 1918-), дэпутат Дзяржаўнай Думы Расійскай імперыі (1906), дэпутат Дзяржаўнага Савета Расійскай імперыі ад Мінскай губерні (1910-1911), прэм’ер-міністр БНР (1918), сенатар Польшчы (1930-1935).
1911 — Касмачоў Канстанцін Міхайлавіч (вёска Мікуліна, цяпер Руднянскі раён, Смаленская вобласць, Расія) — беларускі жывапісец, графік, педагог. Працаваў у галіне станковага жывапісу і станковай графікі.
1922 — Дружына Міхаіл Афанасьевіч (вёска Курылаўка, Пэтрыкіўскі раён, Днепрапятроўская вобласць, Україна) — беларускі спявак (бас). Заслужаны артыст Беларусі (1982). Памёр у 2013 годзе ў Мінску.
1923 — Старавойтаў Міхаіл Антонавіч (вёска Якімавічы, цяпер Клімавіцкі раён, Магілёўская вобласць) — вайсковец, шараговы, удзельнік Другой сусветнай вайны, Герой Савецкага Саюза (1944).
1929 — Казлоўскі Яўген Аляксандравіч (вёска Доўск, цяпер Рагачоўскі раён, Гомельская вобласць) — вучоны-геолаг, дзяржаўны дзеяч, віцэ-прэзідэнт Расійскай акадэміі прыродных навук, заслужаны дзеяч навукі і тэхнікі Расіі, заслужаны геолаг Расіі.
1927 — Зандман Фелікс (г. Гродна) — навуковец і інжынер, заснавальнік і галоўны тэхнічны дырэктар міжнароднай кампаніі “Vishay Intertechnology” (ЗША) — аднаго з найбуйнешых пастаўшчыкоў электронных кампанентаў у свеце.
1931 — Кажакоў Аляксей Васілевіч (вёска Ходараўка, цяпер Горацкі раён, Магілёўская вобласць) — украінскі мастак, прафесар кампазіцыі Нацыянальнай акадэміі выяўленчага мастацтва і архітэктуры Украіны (1994). Заслужаны дзеяч Мастацтва Украіны (1991).
1937 — Лінг Сяргей Сцяпанавіч (г. Мінск) — беларускі дзяржаўны дзеяч, старшыня Мінскага аблвыканкама (1982-1986), намеснік Прэм’ер-міністра Беларусі (22.07.1994-19.02.1996), Прэм’ер-міністр Беларусі (18.11.1996-18.02.2000), пастаянны прадстаўнік Рэспублікі Беларусь пры Арганізацыі Аб’яднаных нацый (11.08.2000-16.10.2002).
1940 — Вільдфлуш Ігар Робертавіч (г. Горкі, Магілёўская вобласць) — беларускі вучоны ў галіне аграхіміі, доктар сельскагаспадарчых работ (1996), прафесар (1998).
1944 — Цялькова Алена Сяргееўна (г. Пінск, Брэсцкая вобласць) — беларуская спявачка (сапрана). Заслужаная артыстка Беларусі (1991).
1949 — Кротаў Веньямін Рыгоравіч (г. Масква, Расія) — беларускі матэматык, доктар фізіка-матэматычных навук (1990).
1951 — Тугай Уладзімір Васілевіч (г. Нароўля, Гомельская вобласць) — беларускі гісторык, доктар гістарычных навук (2003).
1956 — Цыбульскі Кастусь (Канстанцін Пятровіч) (вёска Забалоцце, Маладзечанскі раён, Мінская вобласць) — беларускі паэт.
1974 — Пярцоў Уладзімір Барысавіч (г. Віцебск) — беларускі дзяржаўны дзеяч, міністр інфармацыі Рэспублікі Беларусь (05.04.2021-)
1990 — Дзедусенка Ігар (г. Маладзечна, Мінская вобласць) — беларускі класічны гітарыст, прызёр шматлікіх міжнародных конкурсаў.
1997 — Бобр Каміла Валер’еўна (вёска Тварычэўка, Мазырскі раён, Гомельская вобласць) — беларуская вяслярка на каноэ. На чэмпіянатах свету золата (2015), срэбра (2014) бронза (2015, 2017).

ПАМЕРЛІ:
1861 — Куторга Сцяпан Сямёнавіч (г. Санкт-Пецярбург, Расія) — беларускага паходжання расійскі заолаг і мінералаг, доктар медыцыны (1832), прафесар Імператарскага Санкт-Пецярбургскага універсітэта (1837).
1896 — Козел-Паклеўскі Ян (г. Бабруйск, цяпер Магілёўскаявобласць) — палкоўнік войска польскага падчас Студзеньскага паўстання, кіраўнік 3-га корпуса паўстанцкіх войск (1863-1864), камендант Варшавы. Член Літоўскага Правінцыйнага камітэта. Нарадзіўся ў 1837 годзе ўмаёнтку Сэрвач Вялікі, цяпер Вілейскі раён, Мінская вобласць.
1920 ― Дабравольскі Уладзімір Мікалаевіч (вёска Данькова, цяпер Смаленская вобласць) — беларускі і рускі краязнавец, этнограф і мовазнавец. Выдаў «Смаленскі этнаграфічны зборнік» (т. 1-4, 1891—1903), напісаў шмат артыкулаў мовазнаўчага характару (пра гукаперайманні, народныя прозвішчы, пра тайныя мовы краўцоў, канавалаў, мяшчан). Яго самая каштоўная праца ў галіне мовазнаўства — «Смаленскі абласны слоўнік» (1914), у якім распрацавана 16 560 артыкулаў з дыялектнымі словамі руска-беларускага пагранічча. Праца складалася на падставе матэрыялаў для «Смаленскага этнаграфічнага зборніка», таму ілюстрацыямі ў ёй служаць і ўрыўкі з апісанняў абрадаў, звычаяў, побыту.
1938 — Амбражунас Пётр Іосіфавіч (г. Мінск, НКУС) — беларускі дзяржаўны дзеяч, наркам камунальнай гаспадаркі (1934-1936). Вязень ГУЛагу.
1946 — Машынская-Гельтман Ядвіга Уладзіславаўна (пасёлак Тайчна, Казахстан) —беларуская паэтэса, перакладчык, грамадскі дзеяч і педагог, звязана з асяроддзем палякаў на Беларусі, тварыла на польскай мове. Вязень ГУЛагу.
1953 — Магучы Адам Адамавіч (турма Штум, Польшча) — вайсковы дзеяч, спецыяліст у мараходнай справе, контрадмірал. Адзначаны Крыжам Віртуці Мілітары і крыжам Грунвальда. Вязень фашысцкіх концлагероў і польскай турмы.
1958 — Гельвіх Пётр Аўгуставіч (г. Санкт-Пецярбург, Расія) — беларускага паходжання расійскі ваенны вучоны ў галіне балістыкі і тэорыі стральбы, генерал-маёр артылерыі (1940). Доктар тэхнічных навук (1938), прафесар (1935).
1974 — Макавецкі Фёдар Яфрэмавіч (гарадскі пасёлак Коханава, Талачынскі раён, Віцебская вобласць) — вайсковец, удзельнік Грамадзянскай і Другой сусветнай войнаў, Герой Савецкага Саюза (1943).
1978 — Рыўлін Езэкіль (г. Мінск) — беларускі дзяржаўны дзеяч, гісторык і публіцыст, прафесар, академік Беларускай акадэміі навук (1931). Вязень ГУЛагу.
1980 — Гарулёў Мікалай Аляксандравіч (г. Мінск) — беларускі паэт, празаік, перакладчык, сцэнарыст і драматург. Заслужаны работнік культуры БССР (1979).
1985 — Кароль Рыгор Якаўлевіч (г. Гомель) — вайсковец, артылерыст, старшы сяржант, удзельнік Другой сусветнай вайны, поўны кавалер ордэна Славы.
1999 — Захаранка Юрый Мікалаевіч (г. Мінск) — быў выкрадзены і імаверна забіты былы міністар унутраных спраў Беларусі (28 ліпеня 1994 – 16 кастрычніка 1995), дзеяч апазіцыі, генерал.
2000 — Машэнскі Міхаіл Леанідавіч (г. Брэст) — беларускі прадпрымальнік, заснавальнік СП “Санта Брэмар”.
2009 — Пікула Алесь (г. Баранавічы, Брэсцкая вобласць) — беларускі грамадска-палітычны дзеяч, былы старшыня Баранавіцкай суполкі БНФ.
2011 — Раманоўская Ядвіга Юльянаўна (г. Мінск) — беларускі арганізатар музейнай справы, захавальніца літаратурнай і архіўнай спадчыны Янкі Купалы, пляменніца Янкі Купалы.