1576 — Стэфан Баторы каранаваны на трон Рэчы Паспалітай. З чэрвеня 1576 году – вялікі князь літоўскі.
1710 — за вольнасць і незалежнасць полацкіх вуніятаў па указу цара Пятра I салдаты узарвалі полацкі Сафійскі сабор. Выбух знішчыў сцяну, левы бакавы алтар, пашкодзіў калоны і скляпенні.
1832 — расійскі цар Мікалай І зачыніў універсытэт Стэфана Баторыя ў Вільні.
1905 — прыняты закон, які даваў права на выкладанне сваёй мовы ў якасці асобнага прадмета ў школах заходніх губерній. Такое права атрымалі толькі палякі і літоўцы, самабытнасць беларускага народа упарта не прызнавалася.
1969 — у Гомелі заснаваны ўніверсітэт (ад 1988 г. — Гомельскі дзяржаўны ўніверсітэт імя Францыска Скарыны).
1986 — адразу пасля дэманстрацыі прыйшла каманда аб эвакуацыі з 30-кіламетровай зоны Чарнобыльскай АЭС дзяцей ва ўзросце да 15 гадоў, цяжарных жанчын і хворых.

НАРАДЗІЛІСЯ:
1585 — Соф'я Слуцкая (з роду Алелькавічаў) (у шлюбе Радзівіл) (г. Слуцк, Мінская вобласць) — княгіня, асветніца, релігійны праваслаўны дзеяч, прылічана да беларускіх праваслаўных святых.
1774 — Журдан Якуб (г. Лісабон, Партугалія) — святар, педагог, віцэ-рэгент канвікта і прафесар французскай мовы ў Магілёве (1805-1806), выхавацель сыноў князя Талстога (1806-1808), выкладчык малявання ў Санкт-Пецярбургу (1809-1815), прафесар грамадзянскай і ваеннай архітэктуры (1816-1817) і маральнай тэалогіі і свяшчэннага пісання (1817-1818) у Полацкай езуіцкай акадэміі, рэгент канвікта і прафесар французскай мовы (1818-1819) у Віцебску, рэгент канвікта (1819-1820) у Мсціславе.
1860 — Камбураў Пётр Георгіевіч — грамадскі інжынер, магілёўскі губернскі архітэктар, які стварыў некалькі значных пабудоў у Магілёве, у тым ліку будынкі Маскоўскага міжнароднага гандлёвага банка і Магілёўскага гарадскога тэатра. Памёр у 1914 годзе.
1875 — Ціхаў Гаўрыла Андрыянавіч (г. Смалявічы, Мінская вобласць) — расійскі астраном, доктар фізіка-матэматычных навук (1934), прафесар (1949), член-карэспандэнт Акадэміі навук СССР (1927).
1889 — Місюль Васіль Аляксеевіч (вёска Іжа, цяпер Вілейскі раён, Мінская вобласць) — дзеяч беларускай эміграцыі ў Германіі і ЗША, чалец управы сабору святога Кірылы Тураўскага ў Брукліне. Вядомы сваім выступам у 1954 годзе ў Кангрэсе ЗША са сведчаннямі злачынстваў савецкай улады ў Вілейскай турме ў 1941 годзе.
1892 — Вашкевіч Васіль Васілевіч (г. Мінск) — удзельнік барацьбы за Савецкую ўладу ў Беларусі, камедант абароны чыгуначнай станцыі Орша (сакавік 1918 – снежань 1918), старшыня Смаленскага гарвыканкама (1919-1921), старшыня Маладзечанскай абласной калегіі адвакатаў (1945-1957).
1894 — Яцкевіч Мадэст (г. Паставы, Віцебская вобласць) — беларускі рэлігійны дзеяч на эміграцыі ў Аўстраліі. У 1958 годзе арганізаваў у Мельбурне парафію Трох Віленскіх пакутнікаў Беларускай аўтакефальнай праваслаўнай царквы. Займаўся актыўнай выдавецкай дзейнасцю.
1896 — Белкін Рыгор Якаўлевіч (г. Мазыр, Гомельская вобласць) — беларускі і расійскі вучоны ў галіне ветэрынарыі, доктар ветэрынарных навук (1938), прафесар (1929).
1902 — Каганаў Ізраіль Львовіч (г. Клімавічы, Магілёўская вобласць) — расійскі вучоны ў галіне прамысловай электронікі, доктар тэхнічных навук, прафесар. Заслужаны дзеяч навукі і тэхнікі Расійскай федэрацыі.
1906 — Бергман (дзяв. Кучкоўская) Аляксандра Рыгораўна (г. Гродна) — беларуская і польская гісторык, публіцыст, даследчыца гісторыі. У 1934 годзе накіравана ў БССР, працавала намеснікам сакратара парткама завода «Гомсельмаш». Арыштавана ў 1935 годзе, абвінавачаная ў шпіянажы і контррэвалюцыі. 10 гадоў знаходзілася ў зняволенні. Вязень ГУЛагу.
1907 — Палаўчэня Гаўрыла Антонавіч (вёска Языль, цяпер Старадарожскі раён, Мінская вобласць) — вайсковец, удзельнік Другой сусветнай і савецка-японскай войнаў, Герой Савецкага Саюза (05.05.1942).
1909 — Кроль Ліпа Юльевіч (г. Мінск) — беларускі мастак тэатра, плакатыст. Працаваў у тэатральна-дэкаратыўным мастацтве і плакатным жывапісе.
1909 — Стронгін Рыгор Міхайлавіч (мястэчка Ігумен, цяпер г. Чэрвень, Мінская вобласць) —расійскі хімік, вынаходнік, у лабараторыі пад яго кіраўніцтвам нарадзілася славутая супрацьтанкавая зброя — лёгкаўзгаральная сумесь “КС”, разам з паплечнікамі вынайшаў лекі для барацьбы з туберкулёзам. Займаўся арганізацыяй вытворчасці гексахларану ў масавым маштабе для барацьбы з саранчой і іншымі шкоднікамі.
1910 — Арэхва Аркадзь (Дзісненскі павет, Віленская губерня) — беларускі грамадскі дзеяч на эміграцыі ў Германіі і ЗША, юрыст. Актывіст Беларускай цэнтральнай рады, сябра Беларускага кангрэсавага камітэту Амерыкі, адзін з рэдактараў “Беларускага слова”.
1913 — Кроль Абрам Іосіфавіч (мястэчка Койданава, цяпер г. Дзяржынск, Мінская вобласць) — беларускі мастак-жывапісец. Працаваў у станковым жывапісе ў жанры пейзажу, сюжэтна-тэматычнай карціны.
1914 — Ленсу Алена Якаўлеўна (г. Санкт-Пецярбург, Расія) — беларускі літаратуразнавец, даследчык пытанняў літаратурных традыцый і ўзаемасувязеў, тэарыі і методыкі выкладання літаратуры, дакастрычніцкай творчасці Я. Купалы, кандыдат філалагічных навук (1945).
1915 — Любачка Іван Стэфанавіч (Магілёўскі або Полацкі павет) — беларускі гісторык, настаўнік, дзеяч эміграцыі ў Германіі і ЗША. Ашчаджаныя за жыццё сродкі запісаў на заснаванне стыпендыяльнага фонду для падтрымання доследаў у галіне беларусазнаўства.
1917 — Міцкевіч Юрый Канстанцінавіч (г. Перм, Расія) — сярэдні сын Якуба Коласа. Загінуў у верасні 1941 года пад г. Ярцава Смаленскай вобласці, Расія.
1922 — Салавей Алесь (сапр. Альфрэд Радзюк, у эміграцыі Альберт Кадняк) (вёска Крысава, цяпер Дзяржынскі раён, Мінская вобласць) — беларускі паэт, дзеяч эміграцыі ў Аўстрыі і Аўстраліі.
1922 — Абрамчык Мікола (малодшы) (вёска Сычавічы, цяпер Маладзечанскі раён, Мінская вобласць) — беларускі грамадскі дзеяч у ЗША, кіраўнік нью-ёрскага аддзелу Беларуска-Амерыканскага Задзіночання, сябра Згуртавання беларуска-амерыканскіх ветэранаў.
1923 — Жукаў Сцяпан Іванавіч (вёска Пушча, цяпер Расонскі раён, Віцебская вобласць) — вайсковец, лётчык, удзельнік Другой сусветнай вайны, Герой Савецкага Саюза (1946).
1923 — Шабашоў Сяргей Міхайлавіч (вёска Драгуны, Лёзненскі раён, Віцебская вобласць) — савецкі партыйны і дзяржаўны дзеяч, перша сакратар Віцебскага абкама КПБ (21.07.1971-13.101983).
1927 — Савасцюк Антон Іванавіч (вёска Баравое, цяпер Дзяржынскі раён, Мінская вобласць) — беларускі філосаф, доктар філасофскіх навук (1984), прафесар (1985), член-карэспандэнт Акадэміі навук БССР (1989).
1928 — Захарчэня Барыс Пятровіч (г. Орша, Віцебская вобласць) — расійскі фізік, доктар фізіка-матэматычных навук (1966), член-карэспандэнт Акадэміі навук СССР (1976), акадэмік Расійскай акадэміі навук (1992).
1929 — Аўраменка Павел Самуілавіч (вёска Барысаўка, цяпер Клімавіцкі раён, Магілёўская вобласць) — беларускі вучоны ў галіне жывёлагадоўлі, доктар сельскагаспадарчых навук (1979), прафесар (1981).
1929 — Зіменка Тамара Гардзееўна (г. Мінск) — беларускі вучоны ў галіне мікрабіялогіі глебы, доктар біялагічных навук (1978), прафесар (1994).
1929 — Крываносаў Міхаіл Пятровіч (г. Крычаў, Магілёўская вобласць) — кідальнік молата, першы беларускі срэбны прызёр Алімпійскіх гульняў (1956 г.), шматразовы рэкардсмен свету.
1930 — Даўгяла Алег Георгіевіч (г. Полацк, Віцебская вобласць) — беларускі тэрапеўт, доктар медыцынскіх навук (1968), прафесар (1972).
1930 — Петрашкевіч Алесь (Аляксандр Лявонавіч) (вёска Пярэвалачная, Талачынскі раён, Віцебская вобласць) — беларускі драматург і сцэнарыст, гісторык, кандыдат гістарычных навук (1967).
1931 — Лойка Алег Антонавіч (г. Слонім, Гродзенская вобласць) — беларускі паэт, празаік і літаратуразнавец, член-карэспандэнт Акадэміі навук Беларусі.
1932 — Есьман Ігар Іванавіч (г. Мінск) — беларускі архітэктар, дызайнер, вынаходнік. Ён аўтар гасцініцы “Арбіта”, карпусоў лінгвістычнага універсітэта, педуніверсітэта, інстытута народнай гаспадаркі. Самай прыкметнай працай дойліда стаў 15 корпус БНТУ, збудаваны каля МКАД. Гэты будынак часта параўноўваюць з караблём або авіялайнерам. Па суседству з ім размясцілася група інтэрнатаў незвычайнай трохкутнай формы.
1932 — Карнач Пётр Аляксеевіч (вёска Клінок, цяпер Чэрвеньскі раён, Мінская вобласць) — беларускі мастак, мастацтвазнавец, кандыдат мастацтвазнаўства (1967). Працаваў у пейзажным жывапісе.
1935 — Шляга Мікалай Іванавіч (вёска Перадрэйка, цяпер Мазырскі раён, Гомельская вобласць) — дзеяч беларускай дыяспары ў Расіі. У 1998 годзе быў абраны старшынёй савета Рэгіянальнай нацыянальна-культурнай аўтаноміі “Беларусы Масквы”.
1936 — Палякоў Мікалай Цярэнцьевіч (вёска Рабяткі, цяпер Чавускі раён, Магілёўская вобласць) — беларускі скульптар. Аўтар станковай і манументальнай скульптуры, партрэтаў.
1937 — Афяроўскі Аляксандр Рыгоравіч (вёска Рулёва, цяпер Капыльскі раён, Мінская вобласць) — беларускі пісьменнік.
1939 — Гайда Наталля Віктараўна (г. Свярдлоўск, Расія) — беларуская спявачка (сапрана). Народная артыстка БССР (1980).
1940 — Наскавец Міхаіл Данілавіч (вёска Наваселле, цяпер Бярэзінскі раён, Мінская вобласць) — беларускі і казахскі эканаміст, іншадумец ў СССР, палітычны зняволены, ахвяра карнай псіхіятрыі. Памёр у 2006 годзе ў вёсцы Наваселле.
1940 — Пратасевіч Іван Пятровіч (вёска Бездзеж, цяпер Драгічынскі раён, Брэсцкая вобласць) — беларускі лекар-анатом, доктар медыцынскіх навук (1985), прафесар (1985).
1942 — Басалыга Міхаіл Самуілавіч (г. Слуцк, Мінская вобласць) — беларускі графік. Працуе пераважна ў галіне кніжнай графікі.
1943 — Алесь Крыга (сапр. Асіпенка Аляксандр Аляксандравіч) (г. Мінск) — беларускі пісьменнік.
1943 — Раманоўскі Лявон (Леанід Віктаравіч) (вёска Харошкі, Магілёўскі раён, Магілёўская вобласць) — беларускі мастак, педагог. Працаваў у жанрах пейзажа, нацюрморта і тэматычнай карціны. Удзельнік творчай суполкі “Пагоня”.
1949 — Паплаўская Ядвіга Канстанцінаўна (вёска Далідавічы, Валожынскі раён, Мінская вобласць) — беларускі кампазітар, эстрадная спявачка. Заслужаны артыст Беларусі (1991). Народны артыст Беларусі (2006).
1951 — Яфрэмаў Аляксандр Васілевіч (г. Горкій, цяпер г. Ніжні Ноўгарад, Расія) — беларускі рэжысёр тэатра і кіно, сцэнарыст, акцёр. Народны артыст Беларусі (2011).
1955 — Валынец Таццяна Мікалаеўна (г. Сямёнаў, Горкаўская вобласць, Расія) — беларускі мовазнавец, доктар філалагічных навук (1999), прафесар (2008).
1957 — Клебановіч Мікалай Васілевіч (вёска Грэск, Слуцкі раён, Мінская вобласць) — беларускі глебазнаўца, доктар сельскагаспадарчых навук (2004), прафесар (2016).
1957 — Таболіч Марыя Яўгенаўна (вёска Тартак, Быхаўскі раён, Магілёўская вобласць) — беларускі мастак. Працуе ў галіне станковага жывапісу, у жанрах сюжэтна-тэматычнай карціны, партрэта, пейзажа, нацюрморта.
1974 — Трацяк Павел (г. Гродна) — музыка, гітарыст, удзельнік гурта “J:морс”. З 2014 года гітарыст гурта “Brutto”.
1981 — Глеб Аляксандр Паўлавіч (г. Мінск) — былы беларускі футбаліст, паўабаронца. Адзін з самых паспяховых футбалістаў у гісторыі Беларусі.

ПАМЕРЛІ:
1986 — Александровіч Сцяпан Хусейнавіч (г. Мінск) — беларускі пісьменнік, літаратуразнаўца, крытык, краязнаўца. Пахаваны на Паўночных могілках у Мінску.
1991 — Васілеўскі Ягор Васільевіч (г. Віцебск) — вайсковей, лётчык, палкоўнік, удзельнік Другой сусветнай вайны, Герой Савецкага Саюза (1946).
2004 — Кузьмін Аляксандр Трыфанавіч (г. Мінск) — беларускі партыйны і дзяржаўны дзеяч, сакратар Мінскага абкама КПБ (1958-1962), сактратар ЦК КПБ па ідэалогіі (24.02.1971-28.07.1986).
2005 — Малышаў Фёдар Аляксандравіч (г. Мінск) — партызан, вайсковец, капітан, удзельнік Другой сусветнай вайны, Герой Савецкага Саюза (15.08.1944). Кандыдат тэхнічных навук. Пахаваны на мінскіх Усходніх могілках.