1564 — Дэрпцкі ваявода князь, баярын Андрэй Курбскі (маскоўскі арыстакрат, ваеначальнік, пісьменнік, публіцыст і перакладчык) уцёк з Юр’ева (Дэрпт, Тарту) ад маскоўскага цара Івана IV Жахлівага у Вялікае Княства Літоўскае. Жыў у падараваным яму каралём польскім і вялікім князям літоўскім Жыгімонтам ІІ Аўгустам Крэўскім замку. Курбскі быў самым знакамітым маскоўскім перабежчыкам і адным з самых актыўных праціўнікаў Івана IV Жахлівага. Будучы на тэрыторыі ВКЛ А. Курбскі стаяў начале атрадаў у складзе польска-вялікалітоўскай арміі, якія рабілі паходы на Вялікія Лукі і Полацк. Толькі хвароба перашкодзіла яму далучыцца да караля польскага Стэфана Баторыя, які ў 1581 годзе стаяў аблогай ля Пскова. З Княства ён вёў перапіску з Іванам IV Жахлівым, якая ўвайшла ў гісторыю як перапіска Курбскага. Ягонай жонкай была Марыя, прадстаўніца роду Гальшанскіх дачка Юрыя Іванавіча, ваяводы кіеўскага ў 1508-1510 гадах, сястра апошняга гальшанскага князя Сямёна Юр’евіча Дубровіцкага.
1863 — паўстанцкія ўлады, улічваючы значны ўклад Людвіка Нарбута ў агульную барацьбу, прысвоілі яму званне палкоўніка паўстанцкіх войск.
1909 — адноўлена дзейнасць суполкі ”Загляне сонца і ў наша аконца”, якая з вясны 1908 г не выдала ні адной кніжкі і з якой выйшлі Браніслаў Эпімах-Шыпіла і Уладзіслаў Калашэўскі, засталіся Вацлаў Іваноўскі (старшыня), Уладзіслаў Сталыгва (сакратар), Юры Іваноўскі (рэдактар) Сабіна Іваноўская і Вінцэнт Валейка. З’явіліся новыя сябры: Антон Трэпка-Нэканда разам з жонкай, Антон Грыневіч і Генрык Ражноўскі. Агульная сума складак сяброў-заснавальнікаў на 01.06.1910 г. дасягнула 800 рублёў, сума членскіх узносаў павялічылася да 750 рублёў, а ўсе актывы суполкі склалі 4070 рублёў, на на 15.09.1911 г. павялічыліся да 6000 рублёў.
1934 — упершыню (пасля стварэння БССР) у Крымінальны кодэкс БССР уведзены артыкул 235: “Палавыя зносіны мужчыны з мужчынай (мужаложства), выклікаюць — пазбаўленне свабоды на тэрмін ад трох да пяці год. Мужаложства, учыненае з прымяненнем насілля або са скарыстаннем залежнага становішча пацярпеўшага, выклікае — пазбаўленне свабоды на тэрмін ад пяці да васьмі год”.
1945 — дывізія СС «Беларусь» па ўзгадненні з амерыканскім камандаваннем прабіла нямецкія заслоны і здалася ў палон амерыканцам (была інтэрнавана).
1971 — у Мінску начала дзейнічаць гародская святавая газета “Навіны”. Дзейнічала да 1986 года.
1994 — набыла сілу Канстытуцыя Рэспублікі Беларусь, прынятая 15 сакавіка 1994 г.

НАРАДЗІЛІСЯ:
1666 — Бжастоўскі Антоні — рэлігійны дзеяч Вялікага Княства Літоўскага, прэфект пабудовы езуіцкай рэзідэнцыі ў Мінску (1703-1704), яе суперыёр (1704-1714), рэктар Мінскага езуіцкага калегіума (1714-1717).
1881 — Янка Журба (сапр. Івашын Іван Якаўлевіч) (вёска Купніна, цяпер у межах г. Чашнікі, Віцебская вобласць) — беларускі паэт, празаік, перакладчык.
1890 — Трызна Сямён Іванавіч (г. Мазыр, Гомельская вобласць) — беларускі вучоны ў галіне селекцыі раслін, доктар сельскагаспадарчых навук (1963).
1892 — Саевіч Платон Васілевіч (вёска Раматова, цяпер Маларыцкі раён, Брэсцкая вобласць) — дзяржаўны і партыйны дзеяч Беларусі, міністр асветы (1947-14.05.1951).
1901 — Кузнец Саймон Сміт (да эміграцыі Кузнец Шімен (Сямён) Абрамавіч) (г. Пінск, Брэсцкая вобласць) — амерыканскі эканаміст, статысцік, дэмограф і гісторык эканомікі, лаўрэат прэміі па эканоміцы Альфрэда Нобеля 1971 года.
1902 — Стальмашонак Іван Майсеевіч (вёска Хімное, цяпер Асіповіцкі раён, Магілёўская вобласць) — беларускі хірург, аўтар навуковых прац па пераліванню крыві, брушной хірургіі. Заслужаны лекар БССР.
1913 — Пратасевіч Вячаслаў Сцяпанавіч (вёска Роспы, цяпер Капыльскі раён, Мінская вобласць) — беларускі народны майстар традыцыйных музычных інструментаў, выканаўца на дудцы, скрыпцы, жалейках з саломкі, кмену, чароту і інш.
1916 — Смарчкоў Мікіта Іванавіч (вёска Трафіменкі, цяпер Дубровенскі раён, Віцебская вобласць) — вайсковец, лётчык, удзельнік Другой сусветнай вайны, Герой Савецкага Саюза (1945).
1922 — Грачынскі Вітольд Феліксавіч (г. Масква, Расія) — рускі і беларускі акцёр. Заслужаны артыст БССР (1964).
1922 — Сухій Мікалай Андрэевіч (вёска Княгінін, цяпер Мядзельскі раён Мінская вобласць) — беларускі партыйны і дзяржаўны дзеяч, старшыня Мінскага абласнога выканаўчага камітэта (18.06.1975-1980).
1927 — Фурс Антон (вёска Язна, цяпер Міёрскі раён, Віцебская вобласць) — дзеяч беларускага нацыянальнага супраціву, сябра беларускай маладзёвай падпольнай паваеннай арганізацыі Саюз Беларускіх Патрыётаў (СБП), адзін з заснавальнікаў і сакратар Глыбоцкай групы СПБ.
1932 — Грыбкоўскі Віктар Паўлавіч (вёска Асташкавічы, цяпер Дубровенскі раён, Віцебская вобласць) — беларускі фізік, доктар фізіка-матэматычных навук (1973), прафесар (1979), член-карэспандэнт Акадэміі навук БССР (1977).
1936 — Ерашоў Анатоль Іванавіч (г. Гарадок, Віцебская вобласць) — беларускі вучоны ў галіне ветэрынарнай вірусалогіі, мікрабіялогіі і радыяцыйнай біялогіі, доктар біялагічных навук (1992), прафесар (1993).
1937 — Бялянкін Віталь Сцяпанавіч (г. Джума, Даргамскі раён, Самаркандская вобласць, Узбекістан) — беларускі архітэктар. Асноўныя работы ў Мінску: 13- і 15-павярховыя інтэрнаты Беларускага тэхналагічнага інстытута (1975), Палац піянераў і школьнікаў (1986) і школа-інтэрнат для дзяцей са слабым слыхам у Севастопальскім парку (1988), 2-я чарга будаўніцтва Дзяржаўнага мастацкага музея Беларусі (1991); Мемарыял воінскай славы на Лудчыцкай вышыні ў Быхаўскім раё-не (1984) і іншыя. Заслужаны архітэктар Беларусі (1991).
1940 — Позняк Вячаслаў Аляксандравіч (г. Мінск) — беларускі мастак манументальна-дэкаратыўнага мастацтва. Сярод твораў вітражы, Вянок Славы і дэкаратыўнае афармленне столі ў Зале цырыманіялаў плошчы Перамогі ў Мінску (1985).
1946 — Ляшчынская Вольга Аляксандраўна (вёска Уселюб, Навагрудскі раён, Гродзенская вобласць) — беларускі мовазнавец, педагог, доктар філілагічных навук (2005), прафесар (2006).
1948 — Зубкоў Уладзімір Анатольевіч (г. Новасібірск, Расія) — беларускі барэц грэка-рымскага стылю, трэнер, чатырохкратны чэмпіён свету (1971, 1973, 1974, 1975).
1950 — Мядзько Яўген Уладзіміравіч (г. Мінск) — беларускі архітэктар, мастак-аматар. Асноўныя працы: інтэр’еры Дома культуры ў Беразіно (1989), помнікі Францішку Багушэвічу ў Смаргоні (2009, скульптары Леў і Сяргей Гумілеўскія), М. Багдановічу у парку Жылібера ў Гродне (скульптары Леў і Сяргей Гумілеўскія), помнік Вінцэнту Дуніну-Марцінкевічу і Станіславу Манюшку (2016, скульптары Леў і Сяргей Гумілеўскія). Аўтар артыкулаў па пытаннях аўтаматызацыі праектавання. Аўтар карцін у жанры рамантычнага сюррэалізму і гарадскога пейзажу.
1951 — Цэслер Уладзімір Якаўлевіч (г. Слуцк, Мінская вобласць) — беларускі мастак і дызайнер. Кірункі творчасці — плакат, графіка, жывапіс, скульптура, аб’ект, мастацкія акцыі, прамысловы дызайн, афармленне кніг, рэклама. Шырока вядомы «Праект стагоддзя. 12 з XX» У. Цэслера і С. Войчанкі, у якім дванаццаць самых значных мастакоў XX ст. былі выяўленыя ў выглядзе стылізаваных яек. Праект экспанаваўся ў ГМІІ імя Пушкіна ў Маскве (1999—2000), у Музеі Людвіга пры Дзяржаўным расійскім музеі ў Санкт-Пецярбургу (2000), на Венецыянскай біенале (2005).
1953 — Дзёмкіна-Пасо Вольга Васілеўна (вёска Забаенне, Чашніцкі раён, Віцебская вобласць) — беларускі мастак дэкаратыўна-прыкладнога мастацтва. У тэхніцы габелену стварае творы на тэмы беларускай мінуўшчыны, стварала сцэнічныя касцюмы для ансамбляў “Песняры”, “Жалейка”, “Зорачка”, “Купалінка” і інш.
1956 — Багдановіч Ірына Эрнстаўна (г. Ліда, Гродзенская вобласць) — беларуская паэтэса і літаратуразнавец.
1959 — Сурскі Дзмітрый Алегавіч (г. Мінск) — беларускі мастак і дызайнер. Кірункі творчасці — плакат, індустряльны дызайн, графічны дызайн, скульптура, афармленне кніг, рэклама. Вынаходнік (мае 12 аўтарскіх пасведчанняў на прамысловыя ўзоры і вынаходкі)[2], член Беларускага саюза мастакоў. Аўтар вядомых плакатаў. Актыўна прадстаўляе беларускае мастацтва плакату за мяжой (у 2010—2011 выстаўкі плаката з калекцыі БСД былі праведзены ў Швейцарыі, Германіі і Літве). Старшыня Грамадскага аб’яднання “Беларускі саюз дызайнераў”.
1984 — Краўчанка Віталь Васільевіч (гарадскі пасёлак Лоеў, Гомельская вобласць) — беларускі тэатральны рэжысёр, акцёр, педагог, радыёжурналіст. Сябра беларускай гільдыі акцёраў кіно. Рэжысёр Нацыянальнага акадэмічнага тэатра імя Янкі Купалы (2019-2020), мастацкі кіраўнік Гомельскага гарадскога маладзёжнага тэатра (2021-)
1986 — Стральцоў Вадзім Мікалаевіч (г. Магілёў) — беларускі цяжкаатлет. Срэбны Алімпійскі прызёр 2016 году ў Рыа-дэ-Жанэйра і чэмпіён свету 2015 года ў Х’юстане.

ПАМЕРЛІ:
1632 — Жыгімонт III Ваза (у Польшчы Зыгмунт III) — кароль польскі і вялікі князь літоўскі (1587—1632), кароль шведскі (1592 — 1599).Сын караля Швецыі Юхана III Вазы і Кацярыны Ягелонкі, дачкі Жыгімонта Старога.
1728 — Флемінг Якуб Генрык (г. Вена, Аўстрыя) — дзяржаўны і вайсковы дзеяч Рэчы Паспалiтай, вялікі канюшы літоўскі (1701-1728). Браў актыўны ўдзел у Паўночнай вайне.
1863 — Чудоўскі Тадэвуш Тадэвушавіч (паромная пераправа праз рэчку Проня паміж вёскамі Ліцягі і Рудня) — удзельнік паўстання 1863-1864 гадоў, генерал Ратч лічыў Чудоўскага ці не галоўным арганізатарам магілёўскага паўстання.
1930 — Судзілоўскі Мікалай Канстанцінавіч (г. Цянь-Дзінь, Кітай) — народнік, дзеяч міжнароднага рэвалюцыйнага руху, лекар, вучоны прыродазнавец, прэзідэнт Гавайскай рэспублікі ў 1901-1902 гг. Першы падарожнік які грунтоўна пазнаёміў расійскіх чытачоў з флорай і фаунай астравоў цэнтральнай часткі Ціхага акіяна.
1948 — Рыгор Папараць (сапр. Сапун Рыгор Макаравіч) (вёска Дудзічы, цяпер Пухавіцкі раён, Мінская вобласць) — беларускі паэт. Вязень ГУЛагу. Пахаваны на могілках у вёсцы Варонічы непадалёк ад Рудзенска.
1952 — Ніканаў Леанід Мікалаевіч (г. Мінск) — беларускі батанік, прафесар (1920). Заслужаны дзеяч навукі БССР (1944).
1983 — Сыдзько Міхаіл Пятровіч (г. Рэчыца, Гомельская вобласць) — вайсковец, пехацінец, падпалкоўнік, удзельнік Другой сусветнай вайны, Герой Савецкага Саюза (24.03.1945).
1991 — Быкаў Міхаіл Сямёнавіч (г. Бабруйск, Магілёўская вобласць) — вайсковец, лётчык, капітан, удзельнік Другой сусветнай вайны, Герой Савецкага Саюза (15.05.1946).
1993 — Цішачкін Мікалай Пятровіч (г. Віцебск) — беларускі акцёр. Заслужаны артыст БССР (1976).
2000 ― Ясьвін Яўген Станіслававіч (г. Віцебск) ― беларускі мастак. Працаваў у станковым і манументальным жывапісе.
2001 — Каралёў Алесь (забіты ў Мінску ў сваёй кватэры бандытамі-маладзёнамі) — актывіст нацыянальнага руху. Пахаваны ў вёсцы Старыя Цярэшкавічы Гомельскага раёна.
2011 — Коўтун (дзявочае Новік) Валянціна Міхайлаўна (г. Пінск, Брэсцкая вобласць) — беларуская паэтэса, празаік, літаратуразнавец.
2012 — Асмалоўская Зоя Васільеўна (г. Мінск) — беларуская актрыса. Заслужаная артыстка БССР (1982).
2014 — Дамашэвіч Уладзімір Максімавіч (г .Мінск) — беларускі пісьменнік, празаік, нарысіст. Заслужаны работнік культуры Беларусі (1992). Лаўрэат літаратурнай прэміі імя І. Мележа (1992).
2017 — Богдан Леанід (г. Слонім, Гродзенская вобласць) — знакаміты беларускі скульптар. Ён на ўласныя сродкі ствараў для Слоніма помнікі і памятныя знакі, звязаныя з яго гісторыяй і гісторыяй Беларусі.