1387 — вялікі князь ллітоўскі і кароль польскі Ягайла пацвердзіў права князя Скіргайлы на валодане Троцкім і Полацкім княствамі, а таксама надзяліў яго новымі ўладаннямі на тэрыторыі Вялікага Княства Літоўскага.
1512 — у бітве пад Вішняўцом (цяпер сяло Лопушна, Лаванецкі раён, Цярнопальская вобласць, Україна) супольнае войска Вялікага Княства Літоўскага і Каралеўства Польскага пад камандай гетмана Канстанціна Астрожскага перамагло татарскае войска крымскага хана Мэнглі-Гірэя.
1794 — жыхары Гродна далучыліся да паўстання Тадэвуша Касцюшкі, створана мясцовае кіраванне – парадкавая камісія.
1863 — параза атрада мінскіх паўстанцаў у баі з карнікамі каля вёскі Пятровічы.
1918 — Народны Сакратарыят Беларусі зацвердзіў беларускую мову ў якасці дзяржаўнай i абавязковай у БНР i прыняў пастанову пра адкрыццё ў Мінску ўнівэрсытэту.
1919 — польскія вайсковыя злучэнні займаюць Гародню.
1919 — у Вільні пачала выдавацца газета "Беларуская думка" (выходзіла да 27 ліпеня 1919 г.). Рэдактары I. Вайцяховіч, У. Знамяроўскі, Э. Падгайскі.
1954 — БССР уступіла ў Сусветную арганізацыю працы.
1956 — паводле Указа Прэзідыума Вярхоўнага Савета СССР скасавана дэпартацыя народаў, дэпартаваныя атрымалі магчымасць вярнуцца на радзіму.
1995 — у Маладзечна выйшаў першы нумар тыднёвіка “Рэгіянальная газета”.
1996 — арыштаваныя дзеячы апазіцыі, лідеры БНФ Ю. Хадыка і Ў. Сіўчык пачалі ў турме галадоўку пратэсту супраць беззаконня. Галадоўка працягвалася 20 дзён. Дзень перад тым яны былі інтэрнаваны ў мінскі СІЗО на вуліцы Валадарскага за арганізацыю Чарнобыльскага Шляху. У выніку моцнага руху салідарнасці Сіўчыка вызвалілі пад падпіску аб нявыездзе 17 траўня , а Юрыя Хадыку 21 траўня. Абодва моцна знясіленыя патрапілі ў шпіталь. Прызнаныя аднымі з першых беларускіх палітвязняў.

НАРАДЗІЛІСЯ:
1130 — Кіры́ла Ту́раўскі (г. Тураў, цяпер Жыткавіцкі раён, Гомельская вобласць) — царкоўны дзеяч ХІІ ст., прапаведнік, епіскап тураўскі (1159/1161-1177), святы праваслаўнай царквы, старажытнабеларускi пісьменнік, аўтар вядомых царкоўна-асветніцкіх і царкоўна літаратурных твораў. Сучаснікамі быў названы Залатавустам. Памёр асветнік у апошняе дзесяцігоддзе ХΙΙ ст. (каля 1182 года).
1839 — Камінскі Мсціслаў Адамавіч (фальварак Радзецк, цяпер Пружанскі раён, Брэсцкая вобласць) — беларускі этнограф, фалькларыст і публіцыст. Даследаваў матэрыяльную і духоўную культуру беларускага, літоўскага і польскага народаў. У артыкулах «Дзяды», «Некалькі словаў пра звычаі народу ў Мінскай губерні» падаў цікавыя звесткі пра побыт, абрады, звычаі, адзенне і фальклор беларусаў.
1859 — Кандратовіч Кіпрыян (Цыпрыян) Антонавіч (вёска Зіневічы, цяпер Лідскі раён, Гродзенская вобласць) — расійскі і беларускі вайсковы дзеяч, генерал, член Народнага Сакратарыяту БНР, міністр абароны БНР. Ён стаў адным з першых царскіх генералаў-беларусаў, якія перайшлі на бок БНР.
1886 — Міхалап Мікалай Пракопавіч (г. Мінск) — беларускі мастак-кераміст, дырэктар Нацыянальнага мастацкага музея Беларусі (1939-1941). Зрабіў значны ўнёсак у распрацоўку тэхналогіі керамічных матэрыялаў, у стварэнне эталонаў, керамічных формаў, у арганізацыю фарфора-фаянсавай вытворчасці, ствараў новыя віды глазуры.
1897 — Ліпец Ісай Майсеевіч (вёска Плёсы, цяпер Бабруйскі раён, Магілёўская вобласць) — беларускі вучоны ў галіне тэрапіі, доктар медыцынскіх навук, прафесар.
1897 — Скардзіс Вікенцій Іосіфавіч (Скарджус Вінцас) (вёска Сафійск, цяпер Магілёўскі раён, Магілёўская вобласць) — беларускі гісторык, публіцыст, паэт. Кандыдат гістарычных навук. Вязень ГУЛагу. Памёр ў 1967 годзе.
1913 — Сцяпанаў Барыс Іванавіч (г. Санкт-Пецярбург, Расія) — беларускі фізік, акадэмік Акадэміі навук БССР (1953). Заслужаны дзеяч навукі БССР (1967). Адзін з заснавальнікаў беларускай школы фізікі.
1915 — Казіміроўскі Сямён Савельевіч (г. Бабруйск, Магілёўская вобласць) — беларускі тэатральны рэжысёр. Заслужаны дзеяч мастацтваў БССР (1973).
1928 — Шымко Тамара Іванаўна (г. Мінск) — беларуская спявачка (лірычнае сапрана), педагог. Народная артыстка Беларусі (1963).
1931 — Кісялёў Уладзімір Мікалаевіч (вёска Шацк, цяпер Пухавіцкі раён, Мінская вобласць) — беларускі краязнавец, кандыдат эканамічных навук (1986). Аўтар краязнаўчых прац, прысвечаных Наднямонню (Уздзенскі раён), нарысаў пра вучоных У. Завітневіча і Я. Наркевіча-Ёдку. Вывучаў гісторыю народнай гаспадаркі.
1934 — Бязлюдаў Артур Іосіфавіч (г. Барань, Аршанскі раён, Віцебская вобласць) — беларускі дзяржаўны дзеяч, міністр жыллёва-камунальнай гаспадаркі БССР (1973-1986).
1937 — Саланенка Альберт Андрэевіч (г. Віцебск) — беларускі мікрабіёлаг, доктар біялагічных навук (1984), прафесар (1992).
1943 — Кубарка Аляксей Іванавіч (вёска Воля, цяпер Пружанскі раён, Брэсцкая вобласць) — беларускі вучоны ў галіне фізіялогіі, педагог, доктар медыцынскіх навук (1984), прафесар (1986). Заслужаны дзеяч навукі Беларусі (1992).
1945 — Свяжынскі Уладзімір Мітрафанавіч (вёска Новыя Тарусы, цяпер Ушацкі раён, Віцебская вобласць) — беларускі лінгвіст, літаратуразнавец, гісторык, кандыдат філалагічных навук (1978).
1949 — Антанюк Любоў Адамаўна (вёска Ломыш, Хойніцкі раён, Гомельская вобласць) — беларускі мовазнавец, доктар філалагічных навук (1992), прафесар (1997).
1949 — Буднік Уладзімір Іванавіч (г. Жыткавічы, Гомельская вобласць) — беларускі кампазітар. Шырока вядомы яго песні “Пах чабаровы”, “Палессе”, “Зямля адна адзіная”, “Водар чаромхі”, “Я зачараваная табой”, “Папараць-кветка”, “Каця-Кацярына”, “Янка Купала” (у сапраўднасці верш называецца “Веснавыя званы”) і іншыя.
1953 — Аксак (Арлова) Валянціна Іванаўна (вёска Смалічы, Нясвіжскі раён, Мінская вобласць) — беларуская паэтэса.
1953 — Сарычаў Юрый Аляксеевіч (г. Мінск) — беларускі акцёр і рэжысёр тэатра лялек. Заслужаны артыст Беларусі (1990).
1956 — Хатэнка Антаніна Яўгенаўна (вёска Зенькаўцы, Зельвенскі раён, Гродзенская вобласць) — беларуская паэтэса.
1958 — Ціхаміраў Віктар Васілевіч (г. Мінск) — беларускі фізік-ядзершчык, доктар фізіка-матэматычных навук (1993), прафесар.
1960 — Сікорскі Сяргей Іванавіч (г. Мінск) — беларускі партыйны і ваенны дзеяч, першы сакратар падпольнага Брэсцкага абкама КПСС (красавік 1943 – ліпень 1944), старшыня Брэсцкага аблвыканкама (20.07.1944-1946), першы сакратар Магілёўскага абкама КПБ (19.07.1950-06.02.1958), міністр унутраных спраў БССР (24.02.1958-28.04.1960).
1964 — Карпенка Ігар Васілевіч (г. Новакузнецк, Кемераўская вобласць, Расія) — беларускі палітык і педагог, міністр адукацыі Рэспублікі Беларусь (15.12.2016-13.12.2021), старшыня Цэнтральнай камісіі па выбарах і правядзенні рэспубліканскіх рэферэндумаў Беларусі (13.12.2021-).
1986 — Рыжкоў Віталь (г. Магілёў) — беларускі паэт і перакладчык.

ПАМЕРЛІ:
1848 — Хлюдзінскі Леапольд (г. Тухаў, Польшча) — дзеяч каталіцкага касцёла, педагог. Пасля заканчэння Полацкага езуіцкага калегіума працаваў педагогам у Высакародным пансіёне ў Санкт-Пецярбургу (1804-1805), Аршанскім езуіцкім калегіуме, Магілёўскім езуіцкім калегіуме.
1883 — Кавалеўскі Уладзімір Ануфрыевіч (г. Пецярбург, Расія) — беларускага паходжання расійскі прыродазнавец, заснавальнік эвалюцыйнай палеанталогіі, муж знакамітага математыка Соф’і Кавалеўскай. Ажыццявіў падарожжа па Еўропе і Паўночнай Амерыцы.
1900 — Багушэвіч Францішак Бенядзікт (псеўд. Мацей Бурачок) (веска Кушляны, цяпер Смаргонскі раён, Гродзенская вобласць) — паэт, празаік, публіцыст, удзельнік паўстання 1863–1864, прадстаўнік грамадскай думкі Беларусі, ідеолаг нацыянальнага адраджэння, вызваленча- дэмакратычнага руху, адзін з пачынальнікаў новай беларускай літаратуры. Пахаваны ў вёсцы Жупраны, Ашмянскі раён, Гродзенская вобласць.
1944 — Пётра Просты (сапр. Бобіч Ільдэфанс) (г. Іўе, Гродзенская вобласць) — рымска-каталіцкі святар, празаік, драматург, публіцыст, перакладчык, выдавец, растраляны нямецкімі акупантамі. Пахаваны каля іўеўскага касцёла.
1944 — Хвецька Люцыян (г. Стоўбцы, Мінская вобласць) — рымска-каталіцкі святар, рэдактар, выдавец, публіцыст, педагог. Вязень ГУЛагу.
1945 — Арлоў Аляксандр Рыгоравіч (г. Масква, Расія) — беларускага паходжання савецкі ваеначальнік, інжынер-віцэ адмірал. Загінуў у авіяцыйнай катастрофе.
1945 — Крывец Сяргей Міхайлавіч (г. Гдыня, Польша) — беларускі паэт. Нарадзіўся ў 1909 гаду ў вёсцы Сухінічы, цяпер Мастоўскі раён, Гродзенская вобласць.
1896 — Якерсон Давід Аронавіч (г. Масква, Расія) — беларускі і расійскі скульптар, графік, афарміцель. У Ві¬цеб¬ску ў маі 1920 го¬да ўстаноўлены по¬мні¬кі Кар¬лу Мар¬ксу і Кар¬лу Ліб¬кнех¬ту рабо¬ты Якер¬со¬на. Ма¬ну¬мен¬та¬ль¬ныя суп¬рэ¬ма¬тыч¬ныя пастаменты по¬мні¬каў спа¬лу¬ча¬лі¬ся з ку¬біс¬тыч¬ны¬мі бюс¬та¬мі пра¬ва¬ды¬роў пра¬ле¬та¬ры¬яту. Тэх¬на¬ло¬гія, ужы¬тая скульптарам, бы¬ла тан¬най і на¬ва¬тар¬скай — бюс¬ты вы¬ра-за¬лі¬ся з па¬ўзац¬вяр¬дзе¬лай ма¬сы цэ¬мен¬ту. Гэ¬тыя по¬мні¬кі ака¬за¬лі¬ся не¬даў¬га¬веч¬ны¬мі, і ў ся¬рэ¬дзі¬не 1920-х іх знес¬лі. У 1921 го¬дзе ў Стаўрапалі ўстаноўлены по¬мні¬ка Яка¬ву Свяр¬дло¬ву. У 1935 годзе прымае ўдзел у выстаўцы скульптуры ў дрэве, дзе прадстаўляе групавыя кампазіцыі: «Плытагоны», «Спартсмен», «Дэкаратыўная кампазіцыя». Ня¬гле¬дзя¬чы на на¬пад¬кі, ску¬льп¬тар пра¬цяг¬вае пра¬ца¬ваць, удзе¬ль¬ні¬чае ў вы-ста¬ўках, вы¬кон¬вае роз¬ныя за¬ка¬зы, у тым лі¬ку на ску¬льп¬тур¬нае афармлен¬не са¬на¬то¬рыя «Кур¬па¬ты» ў Ялце, па¬ві¬ль¬ёна «Баш¬кі¬рыя» на Вы¬ста¬ўцы да¬сяг¬нен¬няў на¬род¬най гас¬па¬дар¬кі ў Мас¬кве.
2006 — Плева Станіслаў (г. Кракаў, Польшча) — беларускага паходжання польскі геафізік, прафесар.
2015 — Міцкевіч Алесь (Аляксандр Іванавіч) (г. Нью-Ёрк, ЗША) — беларускі грамадска-культурны, рэлігійны і свецкі дзеяч у ЗША, настаўнік, сябра Рады Беларускай Народнай Рэспублікі.
2016 — Сенька Міхась (г. Саўт-Рывер, ЗША) — дзеяч беларускай эміграцыі ў Германіі і ЗША, вельмі шмат зрабіў для запросінаў беларускіх уцекачоў у Саўт-Рывер і далейшай разбудовы ў ім беларускага жыцця.