1794 — у Вільні падпісала акт аб пачатку паўстання і прыняло прысягу 2328 чалавек.
1794 — Вільня вызвалена ад расійцаў, абвешчана Найвышэйшая літоўская рада — часовы ўрад Вялікага княства Літоўскага падчас паўстання 1794 года. Дзейнічала ў Вільні з 24 красавіка да 11 чэрвеня 1794 года.
1863 — захоп паўстанцкімі аддзеламі пад кіраўніцтвам капітана Генеральнага штаба Людвіка Звяждоўскага Горак-Горыцкіх.
1877 — абвяшчэнне Расійскай імперыяй вайны Турцыі. Удзел беларусаў у вайне ў складзе рэгулярных частак расійскага войска і ў якасці дабраахвотнікаў.
1959 — у Лідзе адкрыўся краязнаўчы музей.

НАРАДЗІЛІСЯ:
1772 — Цывінскі Ян (вёска Кузьмічы, цяпер Мядзельскі раён, Мінская вобласць) — рымска-каталіцкі дзеяч, педагог, філантроп.
1775 — Фалькоўскі Якуб Зебедэўш (вёска Кодзень пад Брэстам, цяпер Польшча) — асветнік-дабрачынец, пачынальнік навучання глуханямых дзяцей мове жэстаў, рэктар Шчучынскай піярскай школы.
1800 — Сангушка Раман Станіслаў (вёска Антаніны на Валыні) — грамадскі дзеяч, удзельнік паўстання 1830-1831 гадоў, палітсыльны ў Сібір, а потым на Каўказ, у 1844 вярнуўся на радзіму, шмат зрабіў для развіцця мястэчка Славуты, заснаваў тут суконную фабрыку, гадаваў арабскіх скакуноў.
1886 — Асвяцімскі Марк Аляксандравіч (г. Слуцк, Мінская вобласць) — беларускі палітычны дзеяч, член ЦК Беларускай партыі сацыялістаў-рэвалюцыянераў (1919-1920), узначальваў вярбовачны пункт Беларускай вайсковай камісіі ў Слуцку, эканаміст Гомельскага тлушчкамбіната ў 1930-я гады. Вязень ГУЛагу.
1887 — Рэзаўскі Людвіг Пятровіч (г. Мітава, Латвія) — ревалюцыянер, з лістапада 1917 г. камісар народнай асветы, унутраных спраў Савета Народных камісараў Заходняй вобласці і фронту, 20 снежня на адкрыцці Першага Усебеларускага з’езда запатрабаваў скінуць бел-чырвона-белы сцяг, які вісеў над трыбунай, назваўшы яго “нацыянальнай анучай”. Удзельнічаў у разгоне Усебеларускага з’езда 30-31 снежня 1917 года. 22 студзеня 1918 прызначаны начальнікам навастворанага Аддзела па барацьбе з контрэвалюцыяй і спекуляцыяй (ЧК). Пасля захопу Мінску нямецкімі войскамі працаваў у Расіі. Памер у Маскве ў верасні 1980 года.
1889 — Сабалеўскі Юрый Аляксандравіч (г. Стаўбцы, Мінская вобласць) — беларускі грамадзка-палітычны дзеяч, публіцыст, пасол на Сейм Другой Рэчы Паспалітай (1926-1928), дзеяч эміграцыі ў Германіі і ЗША. Узначальваў акруговы аддзел Беларускай народнай самапомачы ў Мінску, адзін з рэдактараў газеты “Беларускае слова” (1948-1950). Вязень ГУЛагу.
1892 — Сіманоўскі Іосіф Бенцыянавіч (г. Бабруйск, Магілёўская вобласць) — беларускі бібліёграф, педагог, перакладчык, першы дырэктар Нацыянальнай бібліятэкі Рэспублікі Беларусь. Заслужаны дзеяч культуры БССР (1957).
1903 — Мацкевіч Леў Пятровіч (г. Орша, Віцебская вобласць) — беларускі архітэктар. Асноўныя работы: генплан Масквы (1935), адміністрацыйнага будынка інстытута «Электрахіммет» (1936—1937) у Маскве; генпланы Оршы (1946), Полацка (1946—1947); праекты забудовы плошчаў Леніна (цяпер пл. Незалежнасці; 1947) і Я. Коласа (1947—1951), праспекта Ленінскага (1947—1951), забудовы праспекта Машэрава (1954), вул. Маскоўскай (1948), Казлова (1955), Цэнтральнай пл. (цяпер пл. Кастрычніцкая; 1950—1955), праекты дэталёвай планіроўкі Мінска (да 2000 года). Заслужаны будаўнік БССР (1963).
1932 — Фрэдзін Марк Залманавіч (г. Горкі, Магілёўская вобласць) — беларускі эканаміст, кандыдат эканамічных навук (1966), прафесар (1997). Заслужаны эканаміст Беларусі (1990).
1936 — Рыч Вера (г. Лондан, Вялікабрытанія) — англійская паэтка, перакладчыца, журналістка і гісторык. З’яўляецца аўтаркай зборніка “Як вада, як агонь” (“Like Water, Like Fire”) — першай у свеце анталогіі перакладаў вершаў беларускіх паэтаў на англійскую мову, які быў забаронены ў СССР у 1972 годзе, і зборніку “The Images Swarm Free” — падборкі перакладаў Алеся Гаруна, Максіма Багдановіча і Змітрака Бядулі і іншых.
1938 — Стадуб Алесь (Аляксандр Дзям’янавіч) (вёска Юшавічы, Нясвіжскі раён, Мінская вобласць) — беларускі паэт.
1939 — Эскін Аркадзь Барысавіч (г. Харкаў, Україна) — беларускі джазавы піяніст, кампазітар, аранжыроўшчык, педагог. Клавішнік ВІА “Песняры” (1981-1986).
1944 — Пазняк Зянон Станіслававіч (вёска Суботнікі, Іўеўскі раён, Гродзенская вобласць) — беларускі палітык, грамадзкі і культурны дзеяч, археолаг, мастацтвазнаўца, пісьменнік. Адзін з заснавальнікаў “Мартыралогу Беларусі (1988) і Беларускага Народнага Фронту “Адраджэнне” (1989-1999), старшыня Кансэрватыўна-Хрысціянскай партыі – БНФ (з 1999).
1947 — Дзямешка Аляксандр Сяргеевіч(г. Брэст) — беларускі эстрадны артыст, выканаўца на ўдарных інструментах, удзельнік гурта “Песняры”. Заслужаны артыст Беларусі (1979).
1949 — Саламаха Уладзімір Пятровіч (вёска Бераснёўка, Кіраўскі раён, Магілёўская вобласць) — беларускі публіцыст, празаік, кінасцэнарыст.
1954 — Пятро Чабор (сапр. Ільюкевіч Пётр Пятровіч) (вёска Моўчадзь, Баранавіцкі раён, Брэсцкая вобласць) — беларускі паэт.
1964 — Казіятка Юрый Васілевіч (г. Брэст) — беларускі журналіст, тэлевядучы, дзяржаўны дзеяч, генеральны дырэктар ЗАТ “Сталічнае тэлебачанне” (снежань 2005 – 06.02.2018).
1977 — Балахонаў Сяргей Аляксандравіч (вёска Свяцілавічы, Веткаўскі раён, Гомельская вобласць) — беларускі пісьменнік, працуе ў плыні постмадэрнізму.
1979 — Хадасевіч-Лісавая Кацярына Станіславаўна (вёска Ждановічы, Мінскі раён, Мінская вобласць) — беларуская пісьменніца.
1982 — Калеснікава Марыя Аляксандраўна (г. Мінск) — беларуская палітычная дзеячка, каардынатарка штабу Віктара Бабарыкіна, палітычная зняволеная і вязень сумлення. Адна з лідараў пратэстнага руху ў 2020 годзе. Паплечніца кандыдаткі ў прэзідэнты Беларусі Святланы Ціханоўскай і сябра Каардынацыйнай рады.
1988 — Вінаградаў Павел (г. Мінск) — актывіст маладзёжнага крыла кампаніі “Гавары праўду” — “Zmena”, вязень сумлення, беларускі палітвязень.

ПАМЕРЛІ:
1775 — Гільзен Ежы Мікалай (г. Варшава, Польшча) — рымска-каталіцкі і дзяржаўны дзеяч Вялікага Княства Літоўскага, пісьменнік і перакладчык. Пісар вялікі літоўскі (з 10.06.1740), біскуп смаленскі (з 13.02.1746).
1784 — Францішак Багамолец (г. Варшава, Польшча) — беларускі і польскі драматург, публіцыст, выдавец.
1863 — Дамарацкі Войцех Іосіфавіч (г. Горкі, Магілёўская вобласць) — студэнт Горы-Горацкага сельскагаспадарчага інстытута, удзельнічаў у паўстанні пад кіраўніцтвам Кастуся Каліноўскага. Загінуў пры вызваленні Горак ад царскай улады.
1945 — Бумагін Іосіф Раманавіч (г. Брэслаў, Польшча) — вайсковец, пяхацінец, лейтэнант, удзельнік Другой сусветнай вайны, Герой Савецкага Саюза (27.06.1945, пасмяротна)
1953 — Саланевіч Іван Лукьянавіч (г. Монтэвідэо, Уругвай) — беларускага паходжання рускі публіцыст, мысляр, журналіст і грамадскі дзеяч. Вязень ГУЛагу. Разам з сынам і братам у жніўні 1934 года уцяклі з будоўлі Беламора-Балтыйскага канала ў Фінляндзію. У 1936 годзе выдае кнігу ўспамінаў “Расія ў канцлагеры”, якая перакладзена на сямнаццаць моваў.
1957 — Моркаўка Аркадзь Андрэевіч (г. Мінск) — беларускі паэт.
1963 — Сурын Марцін Акімавіч (Крупскі раён) — вайсковец, удзельнік Другой сусветнай вайны, Герой Савецкага Саюза (24.03.1945). Пахаваны ў вёсцы Нача Крупскага раёна.
1985 — Тоўсцікаў Павел Фёдаравіч (г. Масква, Расія) — вайсковец, пяхацінец, генерал-маёр (29.04.1945), удзельнік Другой сусветнай вайны, Герой Савецкага Саюза (1945). Пахаваны на Міцінскіх могілках.
1995 — Зуй Міхась (Міхаіл Міхайлавіч)— вайсковы і палітычны дзеяч, дзеяч эміграцыі ў Германіі і Аўстраліі, прэзыдэнт Беларускай Цэнтральнай Рады (1987-1995). Пахаваны на могілках Роквуд у Сіднеі.
1999 — Пячэрскі Арнольд Уладзіміравіч (патрапіў у аварыю на трасе Масква-Мінск у раёне горада Крупкі) — беларускі прадпрымальнік, грамадскі і палітычны дзеяч, стваральнік прафсаюза прадпрымальнікаў. Член прафсаюза «Садружнасць». Член партыі БНФ і актывіст Аб'яднанай грамад-зянскай партыі. З 1997 г. член стачкама прадпрымальнікаў Беларусі і кіраўнік стачкама прадпрымальнікаў па г. Мінску і Мінскай вобласці[1]. Арганізатар забастовак прадпрымальнікаў на рынках «Дынама» і «Ждановічы». Нарадзіўся ў 1963 годзе.
2006 — Бартуль (дзяв. Касцюкевіч) Вера (г. Нью-Йорк, ЗША) — дзеяч эміграцыі ў Вялікабрытаніі і ЗША, мадэль, кансультантка-кутур’е. Сябра арганізацыі “CitiHope”, што дапамагала ахвярам Чарнобыля. Да апошніх сваіх дзён узначальвала нью-ёрскую суполку Таварыства беларускай мовы імя Францішка Скарыны. Пахавана на беларускіх могілках у Іст-Брансвік, штат Нью-Джэрсі, ЗША).
2012 — Наўроцкі Алесь (Аляксандр Піліпавіч) (вёска Давыдаўка, Светлагорскі раён, Гомельская вобласць) — беларускі празаік, паэт.
2018 — Гайшун Іван Васілевіч (г. Мінск) — беларускі матэматык, доктар фізіка-матэматычных навук (1984), прафесар (1992), акадэмік Акадэміі навук БССР (1991).
2022 — Покаташкін Валянцін Пятровіч (г. Гомель) — беларускі мастак, любімы жанр — пейзаж, асноўная тэхніка — алей і темпера. Заслужаны настаўнік БССР (1980).