Сени жуда соғиниб кетдим,

Тушларингга кирмадимми ёр?
Дардларимни хилолга айтдим,
Хаёлингла тун ўтди бедор.
Сени жуда соғиниб кетдим,
Кипригимга қўнди шабнамлар.
Гул юзимни заъфарон этди,
Сен улашиб кетган ситамлар.
Сени жуда соғиниб кетдим,
Кутишлардан безди юрагим.
Суратингни қучоқлаб ётдим,
Аммо сенинг оғушингда ким?
Сени жуда соғиниб кетдим,
Ёнар юрак беўт,бетутун.
Юрагимнинг ҳужрасида жим,
Ишқим ўксиб йиғлайди беун.
Сени жуда соғиниб кетдим,
Кел сўнгги бор ўтгин кўчамдан!
Кўриб сени қувонсин кўзим,
Розиман сўнг қабр қучсам ҳам.
Сени жуда соғиниб кетдим!!!
КОДИРОВА ОЙГУЛ АЛИБЕК КИЗИ.