SSRİ-nin ilk rəsmi milyonçusu, Naxçıvanda anadan olmuş Cənnət Əliyevin (1954-2014) bu gün anım günüdür.

Ordubad İnternat Məktəbində böyümüşdür. Özü bu məsələ ilə bağlı söhbət açılarkən bunları deyərdi: "İnternatda ondan da artıq aclıq keçirdim. Mənim burada ən böyük arzum doyunca yemək olub. Bəzən pəncərədən düşüb çörək oğurladığıma görə dəfələrlə döyülmüşəm." Ali təhsil almaq üçün əvvəlcə Naxçıvan Dövlət Pedaqoji İnstitutuna qəbul olub. Daha sonra Xalq Təsərrüfatı İnstitutunda təhsil alıb, oranı bitirdikdən sonra Sverdlovski Dövlət Universitetinin Hüquq fakültəsinə daxil olur. Daha sonra Naxçıvandan müxtəlif bitki otları gətirməyə başlayır. Bakıda kiçik asfalt zavodlarına nə lazım idisə, Ukraynadan, Rusiyadan gətirməyə başlayır. Artıq 1989-cu ilin axırlarında Sverdlovskinin "Smena” qəzetində "Sovet milyonçuları ilə müsahibə” rubrikasında milyonçu kimi müsahibə verir, sonra AZTV-nin "Dalğa” verilişinə dəvət alır. Xeyriyyəçilik işləri ilə məşğul olub.