Azərbaycanın Qazaxıstandakı səfirliyinin məlumatına görə, Stalin repressiyaları illərində Qazaxıstanda 150 min azərbaycanlı öldürülüb, onlardan 28 min nəfəri məhkəmə və istintaq olmadan güllələnib.

Ümumiyyətlə repressiyalar nəticəsində Azərbaycan cəmiyyətinin ağıllı, elmli, istedadlı, ləyaqətli təbəqəsinin çox böyük hissəsi məhv edilmiş, bir xalq olaraq azərbaycanlılar böyük zərbə almışlar. Bu bir faktdır ki, əhalinin hər min nəfərinə düşən repressiya qurbanlarının sayına görə Azərbaycan keçmiş sovet respublikaları içərisində birinci yerdə durmuşdu.