Ціханоўская назвала галоўныя памылкі дэмсілаў

🔻 Беларуская лідарка лічыць план «Перамога» – памылковым, чаканні ад яго не спраўдзіліся.
🔻 Сярод «палітычных ці грамадскіх» памылак Ціханоўская таксама назвала тое, што «магчыма, недапрацавалі з літоўскім грамадствам»:
Паводле яе, наратыў пра так званы «ліцвінізм» стаў прычынай таго, што «літоўцы ў Літве пачалі ставіцца да беларусаў крышку негатыўна».
«Мы, канешне, увесь гэты час спрабавалі гэта выраўняць, праводзілі шматлікія і круглыя сталы, і кансультацыі, і публічна выступалі ў медыя. Але ж не хапіла нашых рэсурсаў, каб змагацца з гэтай вялікай прапагандысцкай машынай», – прызналася палітык.
🔻 Яшчэ адной памылкай Ціханоўская назвала тое, што ў беларускім грамадскім руху некаторыя дыскусіі ператвараюцца ў публічныя сваркі.
«Мы губляем фокус. І, вядома, я хацела б, каб мы не гублялі нашую мэту і канцэнтравалі нашу энергію не вакол спрэчак, а вакол працы», – падсумавала беларуская лідарка.