Регина Камалова/ Һәҙиә Лотфулла ҡыҙы Дәүләтшинаның әсәһе Гөлйәүһәр Арыҫлан ҡыҙын һуңғы көнөнәсә ҡараған Мәрғүбә Абдулла ҡыҙы Дәүләтшина менән осрашып һөйләштем.

Күпме тарихи шәхестәребеҙ тураһында белә ул! Ғаилә архивында ҡәҙерләп фотолар һаҡлай. Үҙ иҫәбенә(архивтарҙа 10 йыл эҙләнеп, атаһының бер туғаны-хәҙерге башҡорт теле белеменә нигеҙ һалыусы, К.А.Тимерязов исемендәге педагогия институтында кафедра мөдире вазифаһын башҡарған, сәйәси золом ҡорбаны)Ғәббәс Дәүләтшиндың дүрт томлыҡ китабын баҫтырған. Фотоларҙа Һәҙиә, Ғөбәй, Ғәббәс, Һиҙиәт, Хәмзә Дәүләтшиндар, Рабиға Ҡушаева,Фатима Мостафина, М.Буранғолов, Р.Ниғмәти. Шул уҡ көндө Һәҙиә Дәүләтшинаның бюсын эшләгән рәссам, скульптор Ғүмәр Иҙиәтша улы Мөхәмәтшинда ла булдым. Осрашыуҙар йылы тәьҫораттар ҡалдырҙы.