Башҡортостан республикаһының 100 йыллыҡ юбилейына арналған саралар бөтә ҡала һәм райондарҙа 23 марттан алып уҙғарыла.
Стәрлетамаҡ ҡалаһында шундай сара алдан билдәләнгән график буйынса 10 апрель көнөнә тура килде.
Республика барлыҡҡа килеүе тарихы, Стәрлетамаҡ ҡалаһының үҫеш юлы тураһында бәйән итеү менән бергә үрелгән концерт программаһы күңелдәргә хуш килде. Ҡала хакимиәте башлығы В.И.Куликов доклад яһаны һәм ҡалабыҙҙа күп йылдар уңышлы эшләп килгән ағай-апайҙарға маҡтау грамоталары тапшырҙы.
Айырыуса Стәрлетамаҡ ҡалаһының театр- концерт берләшмәһе артистары сығышы тамашасыға ныҡ оҡшаны. Саф башҡортса һәм юғары профессиональ кимәлдә булды уларҙың номерҙары. Афарин. Шулай уҡ фойела ойошторолған күргәҙмәләр ҙә бик үҙенсәлекле һәм зауыҡлы булды. Ойрштороусыларға БДБҠ-НЫҢ СТӘРЛЕТАМАҠ БҮЛЕКСӘҺЕ ағзалары исеменән рәхмәт белдерәбеҙ. Мөһим ваҡиғалар ҙур күләмле, тәрән мәғәнәле сараларға лайыҡ.
Нет комментариев