ЮРМАТЫ ҠЫҘҘАРЫ

Торатау буйында йәшәй
Юрматының ҡыҙҙары,
Ошо яҡта тыуып үҫкән
Ҡыҙҙарҙың һылыуҙары!
        Ҡуш:  Һай, Юрматы ҡыҙҙары!
                   Башҡортом йондоҙҙары!
                   Сибәрҙәр ҙә, саялар ҙа
                   Был  ырыуҙың ҡыҙҙары!

Тирмә ҡороп, ҡаҙан аҫып
Килгән ҡунаҡты һыйлар,
Кәрәк саҡта ат эйәрләп
Яуға ла ингән улар!
            Ҡуш.

Һөйә белә ғүмерлеккә
Юрматының ҡыҙҙары!
Егеттәрҙең аҫылдарын
Ғашиҡ итә үҙҙәре!
         Ҡуш:  Һай, Юрматы ҡыҙҙары!
                     Башҡортом йондоҙҙары!
                     Сибәрҙәр ҙә, саялар ҙа
                      Был  ырыуҙың ҡыҙҙары!
Фәүзиә Ҡотлогилдина-Алтынбаева
   5.10.2015