Уны хеҙмәт сыныҡтырған

Быйылғы йыл республикабыҙҙа Сәләмәтлек һәм әүҙем оҙон ғүмерлелек йылы тип иғлан ителде. Ошоға бәйле барлыҡ ғүмерен алдынғы колхозсы булып эшләгән, күп маҡтауға, миҙал һәм рәхмәт һүҙҙәренә лайыҡ булған 93 йәшлек хеҙмәт ветераны Хөмәйрә апай тураһында һөйләгем килә. Ул Күгәрсен районының Оло Эйек йылғаһы буйында урынлашҡан Сапыҡ ауылында тыуған һәм бар ғүмерен шунда лайыҡлы хеҙмәттә үткәрә.