“Башҡалар кеүек, яҡындарым өсөн борсолам”

Пандемия, тормошобоҙҙо тулыһынса үҙгәртеү менән бер рәттән, батыр йөрәкле кешеләр эргәбеҙҙә генә йәшәүен, уларҙың бер ниндәй ауырлыҡтарға ҡарамаҫтан, кешеләр ғүмере һәм сәләмәтлеге һағында тороуын иҫбатланы. Ошондайҙар араһында йәш быуын вәкилдәренең бихисап булыуы, уларҙың тәжрибәле, оло хеҙмәттәштәренән ҡалышмауы – тағы бер ыңғай миҫал. Ғафури яҡтарында, Красноусол үҙәк дауаханаһында эшләгән Лилиә Миңдел ҡыҙы Вәлиева – тап шундайҙарҙан.