Аманат Башкортостан

"Диктор тауышы" конкурсы еңеүселәре билдәле булды Учалы ҡалаһында Башҡортостандың халыҡ артисы, танылған диктор Әхәт Мортазин иҫтәлегенә ойошторолған "Диктор тауышы" төбәк-ара конкурсы эшләне. Конкурсҡа 100 эш килгән. Уларҙың иң-иңдәре һайлап алынған. 6 февраль – Әхәт Мотаһар улының тыуған көнө. Йомғаҡлау һәм еңеүселәрҙе бүләкләү тантанаһы нәҡ ошо көнгә тап килтереп үткәрелде. Фотола: "Диктор тауышы"ның еңеүсеһе Әбйәлил районы Хәлил мәктәбенең 4-се синыф уҡыусыһы Линар Муралиев етәксеһе менән. Видеояҙмаларҙа: Тимер Йосопов исемендәге Республика лицей-интернаты уҡыусыһы Ильяс Байышев (3-сө урын); Тимер Йосопов исемендәге Республика лицей-интернаты уҡыусыһы Айгүзәл Аслыева (1-се урын); еңеүселәр һәм призерҙар, уларҙың етәкселәре.