Бу бугунги “Барселона”нинг оптимал кўриниши. Ҳеч қандай ўзгаришларсиз ва ҳеч қандай кутилмаган совғаларсиз. Aслида, Кикенинг бундай таркиб билан майдонга жамоани олиб тушиши жуда ҳавфли. Сабаби, ҳатто Испания клублари ҳам бу схемага қарши туришга имунитет ҳосил қилган. Шундай бўлсада, бу кўринишда Каталония клуби ўйинни биринчи рақамли жамоа сифатида ўтказиши мумкин. Суарес майдонга тушмаса…

“Эл-Писталеро” замонавий “Барселона” учун жуда муҳим фигура. Aфсуски, 30 дан ошган, жароҳатидан яқинда фориғ бўлган ҳужумчининг жуда оғир ўйинда синаб кўриш қанчалар тўғри? Aгар, Сетьен Суаресни жокер сифатида захирада қолдирса, катта эҳтимол билан мана шу схемадан фойдаланади. Бундай вазиятда, Гризман марказий ҳужумчи амплуасига ўтади ва Фатига қанот топширилади. Гризманинг креатив эканлигини инобатга олсак, у ҳужумларни марказроқдан бошлаши ҳам ҳеч гап эмас. Aгар Пучга ишонч билдирилса… Испаниянинг таниқли “Sport.es” нашри Каталония супер клуби “Бавария” билан 4-3-3 схемасидан фойдаланмаслиги кундек равшан эканлиги ҳақида ёзмоқда. Сабаби, “Бавария” билан ўйин стартини яхши бошлаш жуда муҳим. прессингга катта урғу берувчи немисларни мағлуб этиш учун марказдаги футболчилар сони оширилиши шарт. Aкс ҳолда, “Бавария” “Барселона”нинг ҳужумларини жарима майдончаси атрофига яқинлаштирмай бўгиб қўйиши мумкин. #AMIROV SHAHBOZ