Биыл біз Ұлы Абайдың 180 жылдығын атап өтудеміз.

Осы айтулы датаға орай Павлодар облыстық «Amanat» партиясының филиалында ұлы ойшылдың «Абай мұрасы — мәңгілік бағдар» атты нақыл сөздерінің аудио жазбасы жобасының таныстырылымы өтті. Келесі сюжетте толығырақ.
Елдос Төлеубаев Абай дәуірінің тілі — XIX ғасырдың соңы — кейде түсіну қиын екенін мойындайды. Сол сөздерді өз жүрегінен өткізіп оқығанда, бір жағынан, ауыр тисе, екінші жағынан, ұлы ойшылдың Сөздерін дыбыстағанына мақтаныш сезімі туғанын айтады. Елдос мектепте жүргенде-ақ Абай оқуларына қатысқан.
Елдос Төлеубаев, Қазақстан журналистер одағының мүшесі, радиожүргізуші:
Ол жылдары менде Нұрлан Өнербаев дыбыстаған Сөздер жазылған кассета болды. Сол кезде өзім де сондай жазба жасауды армандадым. Бұл туралы ешкімге айтқан емеспін. Алдымен бірнеше сөзді жазып көріп, мамандарға тыңдаттым. Бәрі қолдап, «жасай бер» деді. Содан демеуші іздедік. Барлық 45 Сөзді флешкаға жазып, қолжетімді ету үшін жұмыс істедік. Ең ұзын Сөз — 38-ші — оны жазуға үш күн кетті. Тілді сындыруға болады. Абай — ұлы ақын. Оның Сөздерін түсіну үшін алдымен меңгеріп, содан кейін барып дыбыстау керек.
Елдос Абайдың 45 Сөзін дыбыстауға шамамен екі ай уақыт жұмсаған. Бұл жинақ алдағы уақытта білім беру және мәдениет мекемелеріне, қоғамдық көліктерде, бұқаралық ақпарат құралдарында және цифрлық платформалар арқылы кеңінен таратылмақ.
Қазір жастардың бәрі емес, бірақ көбісі кітап оқымайды. Көпшілігі ақпаратты тез әрі қолжетімді түрде қабылдағысы келеді. Сондықтан біз 45 Сөздің барлығын дыбыстадық. Егер облыс пен қала басшылығы қолдау көрсетсе, Сәтпаев көшесінде тұрған Абай ескерткішінің жанында бұл Сөздер фон ретінде үнемі ойнап тұрса, QR-код арқылы жүктеуге мүмкіндік болса — бұл өте тамаша болар еді.
Абайдың Сөздері алғаш жарық көрген кезде де, қазіргі кезде де өзектілігін жоймаған. Әлеуметтік желілер мен гаджеттер басымдық алған мына заманда да, адам қаласа, өзінің жүрегінен Абайдың Сөздеріне лайықты орын таба алады.
Перевод статьи на русский в карусели▶️▶️▶️