Дзікая прырода побач

Вітаем усіх новенькіх падпісчыкаў нашай старонкі! Мы – кампанія “Дзікая прырода”. Мы ствараем цікавыя прадукты і ўвесь прыбытак ад іх накіроўваем на ахову прыроды Беларусі. У нас на старонцы ты знойдзеш: цікавыя факты пра дзікую прыроду Беларусі анонсы нашых і партнёрскіх актыўнасцяў, звязаных з дзікай прыродай: лекцыі, конкурсы, выставы прыгожых птушак і звяроў, тэставанкі і інтэрактыў у сторыз важныя памяткі і парады ў вечных сторыз. Як жа мы ахоўваем прыроду? Чытай матэрыялы па хэштэгу #ДзікіяЭкспедыцыі Як ты можаш дапамагчы дзікай прыродзе Беларусі? Далучыцца да “Дзікага клуба” https://clck.ru/39ERLY Набыць наш кішэнны вызначальнік птушак https://clck.ru/3

Хто тут з Віцебскай вобласці? У вас асаблівая нагода для радасці!
Яшчэ адна каштоўная прыродная тэрыторыя (#6 з 17) атрымала добры шанец павысіць свой прыродаахоўны статус да 2035 года.
Гэта будучы заказнік рэспубліканскага ўзроўню “Суражскі” плошчай каля 11.600 га ў Віцебскім і Гарадоцкім раёнах. Ён будзе створаны на базе двух заказнікаў мясцовага значэння “Суражскага” і “Цёсценскага”.
Заказнік возьме пад ахову прыкладна палову арэалу ў нашай краіне аднаго рэліктавага грызуна. Гэта адзін з самых таямнічых звяркоў нашай краіны, – звычайная палятуха (белка-летяга), від з Чырвонай кнігі.
На гэтай тэрыторыі захаваліся амаль некранутыя лясы, балоты, рэкі і азёры з рознымі рэдкімі

У горадзе дзьмухаўцы не пустазелле! Гэта прыгожая расліна і вельмі запатрабаваная птушкамі і насякомымі. Дзьмухавец – добры меданос для пчол, чмялёў і матылёў. Іх насеннем харчуюцца розныя віды ўюрковых птушак – шчыглы, зелянушкі, канаплянкі, берасцянкі (зяблики) і іншыя. А як прыгожа квітнеюць дзьмухаўцы – асалода для вачэй і душы! А пухнатыя шарыкі, якімі з задавальненнем забаўляюцца ўсе дзеці. Навошта іх выкошваюць і травяць у беларускіх гарадах? Не знішчай гэтую прыгажосць і на сваім участку. Захавай дзьмухаўцы для птушак і шасціножак. На фота Паўла Сацуты чорнагаловы шчыгел ласуецца насеннем дзьмухаўца, t.me/ptushkafota

Не маеш з кім пагаманіць пра птушак, падзяліцца сваімі назіраннямі і фотачкамі? А можа табе патрэбна дапамога ў вызначэнні птушкі? Тэлеграм-чат “Ціў-ціў” аб’ядноўвае птушкароў з усёй Беларусі! Далучайся t.me/ptushkachat Дзякуем за фота Валеру Пясецкаму.

Набываючы штучныя кветкі на Радуніцу, мы, па сутнасці, купляем смецце. Яно шкодзіць прыродзе – вылучае таксічныя рэчывы, забруджвае глебу, паветра і грунтавыя воды. Штогод на палігоны цвёрдых камунальных адходаў вывозяць каля 1 мільёна леташніх пластыкавых кветак. Тэрмін іх раскладання – ад ста да пяцісот гадоў. Другаснай апрацоўцы яны не падлягаюць. Калі кветкавае смецце потым спальваюць, у паветра вылучаюцца цяжкія металы і дыяксіны. Яны псуюць здароўе людзей, асабліва – дзяцей. Дапамажы прыродзе – не купляй пластыкавыя кветкі! Лепш пасадзі жывыя кветкі ў гаршках, мнагалетнікі, карлікавыя кусты. Выбірай непераборлівыя расліны, якія вытрымаюць засуху: цюльпаны, нарцысы, к

Зараз вельмі цікавы час – сезон  гнездавання птушак. Так хочацца паназіраць за гэтым чароўным працэсам!
Але лепш рабіць гэта анлайн, каб не турбаваць птушак на гнёздах і не прыцягваць да іх увагу драпежнікаў.
Лаві падборку стрымаў з птушыных гнёздаў, выбірай, якія табе больш цікавыя:
Трансляцыя адразу з двух гнёздаў сокала-пустальгі ў Брэсце. У дзвюх сем’ях пустэльг птушкі ўжо наседжваюць яйкі https://birdwatch.by/pustalga-brest2024
Гняздо белых буслоў у Брэсце. Птушкі прыляцелі гнездавацца 27 сакавіка, на гэты момант у іх ужо 4 яйкі https://www.youtube.com/live/YjTCzWm0bjY?si=WU8dvVw7Lr-Y7ytf
Сям’я пугачоў (филинов) у Эстоніі ўжо гадуе птушанят https://www.youtube.com/watch

Дзікая зона. Роўна 38 гадоў таму, 26 красавіка 1986 года, здарыўся выбух рэактара 4-га энергаблока Чарнобыльскай АЭС. Гэта прывяло да адной з самых жахлівых экалагічных катастроф у гісторыі. Тэрыторыі многіх краін Еўропы і былога СССР былі забруджаны радыеактыўнымі рэчывамі. Цяжкія трансуранавыя элементы раскідала непасрэдна вакол станцыі. Іх размяшчэнне і акрэсліла вылучэнне 10-ці і 30-кіламетровых зон адчужэння вакол, з якіх перасялілі людзей і абмежавалі доступ. У беларускай частцы зоны адчужэння ў 1988 годзе стварылі Палескі дзяржаўны радыяцыйна-экалагічны запаведнік. Гэтая ўстанова, якая з 2023 года падпарадкуецца Мінпрыроды, ахоўвае і вывучае дзікую прыроду Чарнобыльскай зоны.

Хочаш зрабіць унёсак у вывучэнне птушкі года?
Учора ў Мінску на рагу вуліц Філімонава і Парніковай прайшоў майстар-клас па падліку гнёзд варон. Управіліся за 80 хвілін да цемры. Было цікава. Арнітолаг Аляксандр Вінчэўскі расказвае, як гэта было:
"Мы метадычна абышлі ўсе дрэвы на выбраным участку, выразна абмежаваным. Лісце яшчэ невялікае, і гнёзды добра відаць здалёк. Мы выявілі 7 занятых гнёздаў варон (у пяці з іх птушкі наседжвалі – з гнязда тырчаў хвост, два яшчэ дабудоўваліся), 4 занятыя гнязды гракоў і толькі адно гняздо сарокі, якое яшчэ будуецца.
Акрамя таго, на карце мы адзначылі пустымі кружкамі 4 незанятыя гнязды варон і два – сарокі. Хутчэй за ўсё, гнёзды старыя, але каб упэ