Транспорт отраслӗн хисеплӗ ӗҫченӗсем тата ветеранӗсем!

Паян — Автомобиль тата хулари пассажир транспорчӗн ӗҫченӗн кунӗ. Ҫак ятпа пӗтӗм чунтан саламланине йышӑнсамӑр!
Ырми-канми ӗҫӗрпе эсир округӑн, республикӑн, ҫӗршывӑн социаллӑ пурнӑҫӗпе экономика аталанӑвне пысӑк тӳпе хыватӑр, халӑха пурӑнма тивӗҫлӗ те хӑтлӑ условисем туса парассине тӳрреммӗн хутшӑнатӑр.
Сирӗн сывлӑх, телей пултӑр, ҫул ҫинче яланах симӗс ҫутӑ ҫуттӑр, ҫӳрес ҫулӑрсем такӑр пулччӑр.