У овқат сузаётганида қаттиқ чарчаганини ҳис қилди. «Қорним очди, шекилли»,-деб ўйлади.
Таомни сузиб келди. Қайнотаси «Тузи паст бўлибди», деса, қайнонаси «Яхши қайнамабди», -деди. Дили оғриди. Бир кўнгли «Дастурхонга қўйилган овқатни мақтаб ейиш суннат», деб айтай деди-ю, тилига чиқармади
-Узр, ойижон, узр адажон,-деди.
Индамай, болаларини овқатлантирди. Идиш-товоқларни ювди. Ўғиллари ёйиб ташлаган ўйинчоқларини йиғиштирди. Қони камайганми, ҳолсизланди. Эртага 6 соат дарси бор. Бир талай дафтар текшириши керак ҳали. Болаларини эртак айтиб ухлатди.
Дафтарларни текшираётиб, кўзи юмилиб-юмилиб кета бошлади...
Кимдир елкасига енгил кўрпа ташлаганини ҳис қилди. Кўзини очди. Эри келибди.
-Ассалому алайкум, қачон келдингиз? Овқат тайёрлайми- сўради у
-Чарчабсан-а? Ўзим сузиб ейман. Сен бироз дам ол.
-Йўғ-е, ўзим, - ошхонага юрди у.
-Қўлинг ширин, овақтларинг бирам мазалики. Ҳеч қайси ресторанда бу мазани тополмайман.
Аёлнинг кўнгли ёришди. Иштаҳа билан овқатланаётган турмуш ўртоғига тикилиб, чарчоқлари ҳам тарқаб кетганини ҳис қилди.
Кун бўйи тинмаган, ҳориган вужудига бир чимдим меҳр орқали бир дунё қувват кириб келганди...
Феруза Салходжаева.
Присоединяйтесь к ОК, чтобы подписаться на группу и комментировать публикации.
Комментарии 2