Уч--тўрт кундан бери иситмам кўтарилиб томоғим оғригани учун ишга чиқмаган эдим. Ҳол аҳвол сўраб ишхонадан кўпчилик қўнғироқ қилишди. Ҳа деб раҳмат яхшиман дейиш ҳам бадингга ураркан. Ёмонман дейиш яхши эмас, маданиятсизлик бўлса.. Шу сабаб телефонимнинг тўхтовсиз мусиқа чалаётгани яна кимдир ҳол сўрамоқчи деб истар истамас жавоб бердим.
---Опа, Ассалом алейкум опажон. Ман Саноман, Санобар!---ортидан ёв қувгандек гапирди ҳамсуҳбатим.
Бу Бухоролик ҳамшаҳарим Санобар эди. Анча йиллардан бери "Ай--Елдыз" компаниясида ошпаз ёрдамчиси бўлиб марказий офисдаги ошхонада ишларди. Яқин кунлардан бери ойлиги бирмунча яхшироқ бўлгани учун Домодедово аэропортининг 2--ЗТБ (Заправочно техническое бюро--Ёнилғи қуйиш техник бюроси) биносига кабинетларни тозалаш учун ишга ўтказилганидан хабарим бор эди.
---Ҳа Санобар, яхшимисан?
---Эээ опа, гўрга яхши бўлармидим? Яхши бўлсам Сизга телефон қилармидим?
Кутилмаганда ҳўнграб йиғлаб юборди Санобар.
---Нима бўлди? Полицияга тушиб қолдингми? Ҳужжатларингда камчилик йўқ эди шекилли?
Бир зумда хаёлимга нималар келиб кетмади.
---Э йўқ опа, полицияга энди боришим керак эканку?---деди у йиғламсираган товушда раҳмимни келтириб.
---Тушунтириброқ гапирсангчи бундоқ! Нимага боришинг керак экан? Ким айтди?
---Ану менеджер айтди опажон. Қўлимга қоғоз бериб полиция бўлимига бориб бармоқ изи топшириб кел, кейин пропуск оласан деди. Хўп дедим. Бўлимга кетаётиб қоғозга қарасам фамилиям, исмимни ёзиб тўғрисига "Киллер"деб ёзиб қўйибти. Киллер одамни отиб ўлдирадиган--ку? Мани алдаб полицияга топширмоқчими ё?
Санобар яна ҳиқиллаб йиғлай бошлади.
---Шошмай турчи, ҳозир менеджеринг билан гаплашайин. Қайтиб қўнғироқ қиламан.
Яқиндаги терракт сабаб ҳаммани текширишяптимикан деган ўй келди миямга. Лекин барибир нега" Киллер "деб ёзади? Токи узун узун гудоклар тиниб" Алло"деган жавобни эшитгунимча бе тизгин хаёлларим мани қай ерларга олиб бориб келмади денг?
---Салом Оксана. Ҳозир Холиқова телефон қилди. Унинг айтиши бўйича...
Оксана мани бўлмай эшитди. Сўнгра шунақа хохолаб кулдики бунақа кулгу фақат энг кулгили ҳолатларда бўлади. Қотиб қотиб кулиб шу кулгуси ичида манга тушунтирди Оксана. Энди ман ҳам кулар эдим. Аввал аэропорт биносини тозаловчиларнинг пропускига "Оператор по уборке" ёзиларди. Эндиликда алоҳида Клининг(тозалаш) компания бўлиб ажралиб чиққан подгруппа ишчилари "Клинер" деб ишга қабул қилинар, пропускига ҳам худди шундай ёзилар экан.Қайта "Киллер" имизга қўнғироқ қилдим.Тушунтирдим
---Ибииии апааааа!Ман қердан билай охи?Лотинча ўқиган бўлсам мактабда..."Ай--Елдыз"да "Темизчи"дер эди.Иби хай шуларам темизчи деса ўладими?Эбббеееее....
Яна бир нималар деб ғудраниб телефонини ўчирди. Санобар тушмагур "Клинер" сўзини "Киллер" ўқиган экан.
Муаллиф: Лейла Мустафасайяр.
Присоединяйтесь к ОК, чтобы подписаться на группу и комментировать публикации.
Комментарии 4