Ҳечким ишламасин ўзга юртларда!

Аллоҳимдан фақат шудир ўтинчим
Омон бўлинг дўстлар ёзу қишларда
Ҳудойим ҳаммани омадин берсин
Ҳечким ишламасин ўзга юртларда!
Фарзандин қучиб юрсин ҳамма ҳам
Бошингизда бўлмасин асло бирор ғам
Бировнинг кўзидан тўкилмасдан нам
Ҳечким ишламасин ўзга юртларда!
Ота она бағрини соғинчдан тилиб
Аҳли аёл,фарзандин қучоқдан юлиб
Бошини эгдириб,душманга кулиб
Ҳечким ишламасин ўзга юртларда
Ватаннинг қадрини қалбан хис қилиб
Соғинчдан кечалар йиғлаб,ҳайқириб
Тушида кимнидир тинмай чақириб
Ҳечким ишламасин ўзга юртларда!
Ака ука ,жигарлар бўлишиб иноқ
Ҳамма хурсанликдан бўлишиб қувноқ
Юртидан айрилмай,кўрмасдан қийноқ
Ҳечким ишламасин ўзга юртларда!
Рўзғор ташвишида сафарга кетиб
Келолмай ота ё онасин йўқотиб
Не қиларин билолмай энсаси қотиб
Ҳечким ишламасин ўзга юртларда!
Тилагим хаммага омад бер Ҳудо
Ҳечкимни ҳечкимдан қилмагин жудо
Хусанҳон юракдан қилиб бир нидо
Ҳечким ишламасин ўзга юртлардв
Алишер Нормирзаев Авазхонович