Небяспечныя для птушак шкляныя прыпынкі

Ці ведаеш ты, што ў свеце ад сутыкнення са шклянымі і люстранымі паверхнямі штогод гінуць мільярды птушак? А ў Беларусі – ад аднаго да дзесяці мільёнаў.
🪟 Птушкі не ўспрымаюць шкло як перашкоду, а наадварот – бачаць у адлюстраванні прастору, куды можна паляцець. Гэта прыводзіць да цяжкіх траўм ці гібелі – падчас восеньскай міграцыі гэта становіцца масавай з’явай.
🏙️ Будынкі з вялікімі шыбамі, шкляныя хмарачосы, шкляныя аўтобусныя прыпынкі асабліва небяспечныя для птушак.
🐦 У Чэхіі шмат гадоў праходзіла акцыя, ініцыяваная мясцовым партнёрам BirdLife International, калі дзеткі і валанцёры заклейвалі празрыстыя прыпынкі налепкамі. Нарэшце ў чэшскім горадзе Градзец-Кралавэ падыход зрабілі сістэмным. Гарадскі аддзел экалогіі разам з уладальнікамі прыпынкаў нанеслі на шкляныя прыпынкі грамадскага транспарту спецыяльныя налепкі, заўважныя для птушак, каб засцерагчы іх ад сутыкненняў са шклом.
👍 Гэта выдатны прыклад для ўсіх. Такія простыя, але эфектыўныя рашэнні могуць захаваць жыццё птушкам.
Спадзяёмся, што гэты падыход падтрымаюць і ў Беларусі.