Як бабры дапамагаюць… кажанам?

🦫 Бабры – сапраўдныя інжынеры экасістэм, якія змяняюць сусвет вакол сябе і дапамагаюць не толькі рыбам і птушкам, але і кажанам!
Раней было вядома, што бабры станоўча ўплываюць на кажаноў, але прычыны гэтага заставаліся няяснымі.
🦇 Нядаўняе даследаванне ў Швейцарыі паказала: там, дзе жывуць бабры, павялічваецца і колькасць кажаноў, іх актыўнасць і эфектыўнасць пошуку ежы ў параўнанні з тэрыторыямі без баброў. Бабры ствараюць сажалкі, вакол якіх з'яўляецца больш мёртвага дрэвастою – гэта дае шмат прытулкаў і ежы для насякомых, а значыць, і для кажаноў, якія жывяцца імі.
Адзначана таксама павелічэнне колькасці відаў кажаноў, у тым ліку і рэдкіх відаў.
Вяртанне рачных баброў у Еўропе прынесла вялікую карысць многім відам жывёл і раслін, як водным, так і наземным.
💧🌿🦫 Дзейнасць баброў дапамагае аднаўляць водна-балотныя ўгоддзі і павялічваць біяразнастайнасць. Яны – нашы саюзнікі ў аднаўленні прыродных экасістэм.
Крыніца: https://besjournals.onlinelibrary.wiley.com/doi/10.1111/1365-2656.70144 📷 Дзякуем за фота Сяргею Аднавалу.