Марийская молитва. Облегчение Души

ЧОН ПЫЧКЕМЫШ ГОДЫМ, ЮМЫЛАН ПЕЛЕШТЫМЕ МУТ Тӱҥ Ош Кугу Юмо! Эр Ӱжара Юмо, Эр Кече Юмо. Эр юалге шулышет дене кап-кылемым шӱялте, тазалыкым, ӱнарым пуэн шого. Тупемым, вачемым ниялтен колто. Тӱҥ Ош Кугу Юмо! Эр Ӱжара Юмо, Эр Кече Юмо. Шке волгыдо ушет дене уш-акылем волгалтаре, яндар шонымашым пуэн шого. Ура чонемым лыпландаре. Тӱҥ Ош Кугу Юмо! Эр Ӱжара Юмо, Эр Кече Юмо. Шке волгыдо шинчат дене коштшаш корнемым ончыкто, илышаш кечем шуйо, тушман еҥ деч арале. Тӱҥ Ош Кугу Юмо! Эр Ӱжара Юмо, Эр Кече Юмо, Вуйӱмбал Юмем, Вуйӱмбал Суксем. Сай поро мутет дене осал йылмемым сорлыкло, сулыкеш пурмо деч саклен шого. Тӱҥ Ош Кугу Юмо! Эр Ӱжара Юмо, Эр Кече Юмо. Чыла поро чонан еҥлан, родо-тукымемлан, пошкудемлан, чыла ош марий, чимарий калыкемлан тазалыкым да поро вий-куатым пуэн шого. Алал лийже! #пелештымемут #чийӱла #марийскаямолитва