ՄԱՍ-2: ԻՐԱԿԱՆ ՆՇԱՆԱԿՈՒԹՅՈՒՆԸ

Սատանայի ՓՈՐՁՈՒԹՅՈՒՆԸ ՔՐԻՍՏՈՍԻ ԴԵՄ: ՀՈԳևՈՐ ՏԵՍԱՆԿՅՈՒՆԸ
ՄԱՏԹԵՈՍԻ ԿԵՆՍԱՈՒՍՈՒՄՆԱՍԻՐՈՒԹՅՈՒՆ ԳՐԳԻՑ
(Այս ամբողջը խոսվում է Մտթ 4:4-11-րդ համարների շուրջ)
2. ՏԱՃԱՐԻ ԱՇՏԱՐԱԿԻՑ ՆԵՏՎԵԼՈՒ ԱՌԱՋԱՐԿՈՒԹՅՈՒՆ
ա. Փորձվեց` ցույց տալու, որ Աստված կպահպանի Իրեն
5-րդ խոսքում ասվում է.«Այն ժամանակ սատանան տարավ Նրան սուրբ քաղաքը և կանգնեցրեց Նրան տաճարի աշտանակի վրա»: Թագավորի առաջին փորձությունը կապված էր մարդկային կարիքների հետ: Սրանում պարտված լինելով` նա երկրորդ փորձությունը դիմեց կրոնի օգնությանը և սկսեց գայթակղել նոր Թագավորին,որպեսզի Նա,նետվելով տաճարի աշտարակից,ցուցադրի,որ Աստծու Որդին է: 6-րդ խոսքում սատանան Նրան ասաց.«Եթե Աստծո Որդի ես,Քեզ վայր գցիր,որովհետև գրված է . Իր հրեշտակներին կհրամայի Քեզ համար,և նրանք ձեռքերի վրա կբարձրացնեն Քեզ,որ Քո ոտթը երբեք քարին չդիպչի»: Կարիք չկար,որ Տեր Հիսուսն այդպես վարվեր: Դա պարզապես փորձություն էր` ցույց տալու համար,որ որպես Աստծո Որդին` Նա կարող էր հրաշքներ գործել: Կրոնում հրաշքների յուրաքանչյուր միտք բանսարկուի փորձությունն է:
Երկրորդ փորձությունը կապված է կրոնի հետ: Կրոնում ամենատպավորիչը հրաշքներն են: Մարդկային պատկերացման համաձայն` այն կրոնը,որը հրաշքներ չունի,զորություն չունի. ամենազորավոր կրոնը հրաշքների կրոնն է: Հետևաբար,սատանան նոր Թագավորին բերեց Տաճարի աշտարակի վրա և փորձեց Նրան,որպեսզի Նա այնտեղից ցած նետվի,ասելով,թե հրեշտակները կպահպանեն Նրան: Մի կարծեք թե դուք երբեք այսպիսի բան անելու նպատակ չեք ունեցել: Իմ վաղ օրերին ես հաճախ եմ մտածել այնպիսի բաներ անել,որ մարդկանց ցույց տամ,թե ինչ գերբնական անձնավորություն եմ և ինչ գերբնական ուժ ունեմ: Ձեր քրիստոնեական կյանքում այսպիսի պատկերացում չեք՞ ունեցել: Երբեմն մենք փորձության ենք ենթարկվում,երբ ինչ-որ բան անելու անհրաժեշտություն չի լինում: Տվյալ դեպքում հարկ չկար,որ Հիսուսը ցած նետվեր տաճարի աշտարակից:
Երբեմն թվում է,թե հրաշքների անհրաժեշտություն կա: Մի անգամ իմ կնոջ եղբայրը ծանր հիվանդացավ: Այդ ժամանակ ես գայթակղվեցի նրանով,որ ցուցադրեմ ինձ` նրա առողջության համար աղոթելով: Ես մտածում էի.«Հիմա ժամանակն է,որ ես ապացուցեմ իմ կնոջ եղբորը և ազգականներին,որ ես հրաշալի անձնավորություն եմ: Ես միայն մեկ աղոթք կբերեմ և իմ կնոջ եղբայրը կբժշկվի: Արդյոք Աստվածաշունչը չի՞ ասում, որ Հիսուսը բժշկում է, որ Նա նույնն է երեկ,այսօր և հավիտյան, և, որ մենք պետք է աղոթենք ուրիշների համար: Եթե ես այս հրաշքն անեմ իմ կնոջ եղբոր համար,իմ կնոջ մայրը կհամոզվի, որ ես գերբնական մարդ եմ: Նրա աչքին ես շատ կրոնավոր եմ,ամեն օր խոսում եմ Աստծո ,Քրիստոսի և հավատքի մասին: Պատկերացնո՞ւմ եք,ինչ կկատարվի,եթե գնամ իմ կնոջ եղբոր մոտ և ասեմ «Տեր Հիսուս,բժշկիր նրան,և նա անմիջապես վեր կենա: Ոչ միայն նա կբժշկվի,այլև` ես ինձ կցուցադրեմ: Ի՜նչ հրաշալի անձնավորություն կլինեմ իմ կնոջ մոր աչքին»: Դա Տիրոջ օծությունը,Տիրոջ առաջնորդությունն ու ղեկավարությո՞ւնն է թե՞ գայթակղություն: Անշուշտ դա գայթակղություն էր: Անցյալում այսպիսի գայթակղություն չե՞ք ունեցել:
Շատ երիտասարդ քրիստոնյաներ ունեցել են հրաշքներ ցուցադրելու առանձնահատուկ պատկերացում: Ոհմանք հնարավոր է ասեն.«Քանի որ ես հետևում եմ Տիրոջը և ես Տիրոջ` որպես իմ Էմմանուելի ներկայության մեջ եմ,պետք է մի բան անեմ,որպեսզի ցույց տամ մյուսներին, որ Աստված ինձ հետ է»: Ես մի թանկագին եղբոր գիտեմ,ով այսպիսի մտածողություն ուներ: Համոզված լինելով, որ Տերը իր հետ է,նա խնդրեց Տիրոջը,որ մի քանի օրից երկու հարյուր հազար դոլար տա: Նա ասաց.«Տեր,Դու պետք է ցույց տաս մարդկանց,որ մեկ ես ինձ հետ: Դու պետք է ցույց տաս նրանց,որ ինչ խնդրում եմ Քեզնից,Դու տալիս ես ինձ: Տեր ես Քեզնից երկու հայրուր հազար դոլար եմ խնդրում: Մի քանի օրվա ընթացքում Դու պետք է դա ինձ տաս»: Այս եղբայրը դադարեց ուտել ու քնել և սկսեց աղոթել այս գումարի համար: Դա ինչպիսի՞ աղոթք էր: Իրեն ցուցադրելու համար տաճարի աշտարակից վայր նետվեց: Սկզբունքորեն մենք բոլորս շատ անգամ ենք սա արել: Յուրաքնչյուր քրիստոնյա փորձվել է այս ձևով:
Եթե բանսարկուն չփորձի մեզ մեր կենսական կարիքների հարցում,նա կփորձի մեզ կրոնի հարցում: Դուք հնարավոր է փորձում եք կրոնում մեծ մարդ լինել,ճանաչվել որպես զորեղ անձնավորություն: Մնացած բոլոր մարդիկ պետք է ոտքով իջնեն տաճարի աշտարակից,բայց դուք` լինելով գերբնական անձնավորություն,ով բոլորից ամենակարողն է,կարող է ցած նետվել: Սա անելով դուք քրիստոնեության մեջ մեծ եք դառնում: Բոլոր կրոնավոր «անվանիները» նրանք են,ովքեր տեղի են տվել այս գայթակղությանը: Եթե անվանի եք քրիստոնեության մեջ,եթե հաջողություն ունեք որպես գերբնական մարդ ճանաչված լինելու մեջ,ապա դուք արդեն տեղի եք տվել այս գայթակղությանը: Թշնամին արդեն պարտության է մատնել ձեզ: Բայց, եթե ցանկանում եք այս փորձության մեջ թշնամուն պարտության մատնել ,դուք չպետք է նետվեք տաճարի աշտարակից: Ընդհակառակը,պետք է այնտեղից որքան հնարավոր է դանդաղ քայլքով իջնեք: Թողեք,որ ուրիշները մտածեն թե դուք տկար եք և անհմուտ: Բայց դուք պետք է ինքներտ ձեզ ասեք.«Ես զորությամբ չեմ քայլում: Ես կյանքի մեջ եմ քայլում: Ինձ չի հետաքրքրում զորությունը,ինձ հետաքրքրում է կյանքը»: Սա ասելը հեշտ է,բայց իրականացնելը` դժվար: Հենց որ առիթ ներկայանա,հնարավոր է ոչ թե նետվեք տաճարի աշտարակից,այլ`վազեք,առնվազը ցույց տալու համար,որ դուք լավ վազորդ եք,կարող եք ավելի արագ վազել,քան մյուսները: Բայց, եթե ցանկանում եք պարտության մատնել թշնամուն,մենք պետք է ոչինչ լինենք: Երբեք մի արեք մի այնպիսի բան,որպեսզի ապացուցեք,որ դուք ինչ-որ մեկն եք,կամ ձեզնից ինչ-որ բան եք ներկայացնում: Թողեք,որ ուրիշները մտածեն,որ դուք ոչինչ եք: Իրականում,ես ոչինչ եմ,իսկ իմ Քրիստոսը` ամեն ինչ: Եթե կանգնեք ոչինչ լինելու դիրքին,դուք կսպանեք թշնամուն: Դուք կսպանեք գայթակղիչին:
բ. ՊԱՐՏՈՒԹՅԱՆ Է ՄԱՏՆՈՒՄ ԳԱՅԹԱԿՂԻՉԻՆ`ԱՍՏԾՈՒՆ ՉՓՈՐՁԵԼՈՎ
Երբ բանսարկուն փրձեց Հիսուսին,որպեսզի Նա իրեն ցած նետեր տաճարի աշտարակից,Հիսուսն ասաց նրան.«Դարձյալ գրված է.մի փորձիր Տիրոջը,քո Աստծուն»(խ 7): Քանի որ Տեր Հիսուսը առաջին անգամ պարտության մատնեց նրան` Սուրբ գրքից մեջբերում անելով,գայթկղիչը նմանակեց Նրան և երկրորդ փորձության ժամանակ սկսեց Նրան փորձել Սուրբ Գրքից մեջբերում անելով,սակայն դիմելով խորամանկության: Եթե մենք Սուրբ Գրքից միայն մի տեսանկյունից ինչ-որ բանի վերաբերյալ մեջբերում ենք կատարում,պետք է նաև հաշվի առնենք մյուս տեսանկյունը,որպեսզի մեզ ապահովենք գայթակղիչի խաբեբայությունից: Հենց այդպես վարվեց նոր Թագավորը ի պատասխան գայթակղիչի երկրորդ փորձությանը: Շատ անգամ մենք պիտի ասենք գայթակղիչին«Դարձյալ գրված է»:
Տեր Հիսուսը առաջին փորձության մեջ պարտության մատնեց սատանային` Սուրբ Գրգից մեջբերում անելով: Հետևաբար,երկրորդ փորձության ժամանակ գայթակղիչն ինքը մեջբերում արեց այնտեղից: Նա կարծես ասում էր.«Հիսուս Դու մեջբերում արեցիր Աստվածաշնչից: Ես նույնպես գիտեմ Աստվածաշունչը: Թույլ տուր մի խոսք մեջբերեմ Քեզ համար»: Բայց Տեր Հիսուսն ասաց.«Դարձյալ գրված է»: «Դարձյալ» բառը շատ զորեղ բառ է: Մի կարծեք,թե դուք կարող եք Աստվածաշնչից մեջբերում անել,իսկ թշնամին`ոչ: Սատանան Աստվածաշնչից ավելին գիտի քան դուք: Հետևաբար, լավագույն ապահովությունը ևս մեկ խոսք ունենալն է` թե որպես հավասարակշռություն,թե որպես հաստատում: Այդ դեպքում,երկրորդ փորձության ժամանակ նույնպես թշնամին պարտության կմատնվի:
Տեր Հիսուսը Սատանային ասաց.«Մի փորձիր Տիրոջը,քո Աստծուն»(խ 7): Մի՛ փորձիր Աստծուն: Մի՛ բարձրացիր տաճարի աշտարակի վրա և այնտեղից վայր մի՛ նետվիր: Եթե հանկարծ այնտեղ հայտնվես,դու պետք է նախ և առաջ իջնելու ճանապարհ գտնես: Բայց դու երբեք չպետք է այնտեղ գնաս մտածված: Եթե քո այնտեղ հայտնվելը պատահականության խնդիր է,խնդրիր Տիրոջը,որ ների քեզ և օգնի այնտեղից քայլելով իջնելու համար: Բայց քեզ ցուցադրելու համար ցած մի նետվիր: Դու ոչինչ ես: Տեր Հիսուսը հաղթեց գայթակղիչին` չնդունելով Աստծուն փորձելու նրա առաջարկը:
3. ԴԵՎԻՆ ԵՐԿՐՊԱԳԵԼՈՒ ԱՌԱՋԱՐԿ
ա. Փորձվում է աշխարհի թագավորությունները և նրանց փառքը ձեռք բերելու մեջ
8-րդ և 9-րդվ խոսքերում ասվում է.«Սատանան նորից տարավ խիստ բարձր լեռան վրա և ցույց տվեց Նրան աշխարհի բոլոր թագավորությունները ու նրանց փառքը: Ու ասաց Նրան.«Այս ամենը Քեզ կտամ,եթե ընկնես և ինձ երկրպագություն անես»: Պարտված կրոնական ոլորտում` բանսարկուն նոր Թագավորին ներկայացրերց իր երորդ փորձությունը,այս անգամ այս աշխարհի փառքի ոլորտում: Նա ցույց տվեց Նրան աշխարհի բոլոր թագավորությունները և նրանց փառքը: Բանսարկույի փորձությունները միշտ այս ձևվով են գալիս ,նախ` մարդկային կենսակերպով,երկրորդ` կրոն և երրորդ աշխարհիկ փառք: Որևէ փորձության մեջ այս բոլոր երեքը առկա կլինեն: Երրորդ փորձությունը աշխարհիկ փառքի,կոչման,փառասիրության,դիրքի և խոստումնալից ապագայի գայթակղությունն է:Այս ամենը աշխարհի փառքն է:
Ղուկ 4:6-ում ասվում է,որ աշխարհի թագավորությունները և նրանց փառքը տրվեցին բանսարկույին,ուստի նա դրանք կտա նրանց,ում կամենա: Մինչև իր անկումը: Սատանան որպես հրեշտակապետ Աստծու կողմից աշխարհի կառավարիչ էր կարգվել (Եզեկ 28:13-14): Դրա համար էլ նա«այս աշխարհի կառավարիչը» անվանվեց (Հովհ 12:31)` իր ձեռքում պահելով այս աշխարհի թագավորությունները և նրանց փառքը: Երկրպագության ձգտելով նա այս ամենը ներկայացրեց նոր օծված Թագավորին որպես փորձություն: Երկնային Թագավորը հաղթահարեց այս գայթակղությունը,բայց նեռը, որ գալու է` չի հաղթահարելու այն (Հայտ 13:2,4):
Այս փորձությունը իր մեջ ներառում է փառասիրության և դիրքի խնդիրը: Նույնիսկ սրբերի շարքում առաջնորդ լինելու ցանկություն կա: Այս ցանկությունը աշխարհիկ փառքի համար է: Առաջնորդ լինելու ձեր փափագը ձեր փառասիրությունն է: Սա աշխարհիկ փառքի ցանկությունն է: Երբ փորձվում եք այս ձևով,դուք պետք է գիտակցեք, որ այս փորձության հետևում գայթակղիչն է,որ ձգտում է ՁԵՌՔ ԲԵՐԵԼ ՁԵՐ ԵՐԿՐՊԱԳՈՒԹՅՈՒՆԸ: Սատանան Տեր Հիսուսին ասաց,որ ,եթե Նա իրեն երկրպագի,ինքը Նրան կտա աշխարհի բոլոր թագավորությունները և նրանց փառքը: Յուրաքանչյուր փառասիրության հետևում թաքնված կուռք կա: Եթե փառասիրական ցանկություն ունեք` դիրք ունենալու,առաջխաղացման,կամ անուն ունենալու համար,այդ փառասիրական ցանկության հետևում կուռք կա: Եթե ոչ մի կուռքի չեք երկրպագում,դուք երբեք չեք իրականացնի ձեր փառասիրական ցանկությունները: Որպեսզի աշխարհի փառքի ինչ-որ մասն ունենաք,դուք պետք է երկրպագեք որևէ կուռքի: Առանց կուռքին երկրպագելու անհնար է դիրք ունենալ: Երբ դիրք եք փնտրում,ձեր էության խորքում գիտեք,որ կուռքի եք երկրպագում: Այդ, իսկ պատճառով առաքյալն ասաց,որ ագահությունը կռապաշտություն է (Կող 3:5):
Ենթադրենք ինչ-որ եղբայրներ,որոնք ձեզնից չորս տարի հետո են եկեղեցական կյանք եկել,դառնում են առաջնորդներ,և դուք զգում եք,որ նրանք ձեզնից առաջ են անցեկ: Եթե դուք գանգատվում եք` հարցնելով,թե ինչու են նրանք առաջնորդներ դարձել,իսկ դուք ոչ,դա ապացուցում է,որ դուք աշխարհիկ փառքի եք ձգտոմ: Ենթադրենք տաս քույրերից բաղկացած խմբում երեքը ննշանակված են որոշակի ծառայություն առաջնորդելու: Եթե մնացած յոթը սրա համար ոչ մի զգացմունք չունեն,նրանք հաղթանակ են ձեռք բերել: Բայց, եթե հարցնում են ,թե ինչու այս երեքը նշանակվեցին,սա ցույց է տալիս,որ նրանք սին փառքի`այս դարաշրջանի փառքին են ձգտում: Այս հարցում մենք բոլորս տկար ենք: Եթե փառասիրության և դիրքի համար այս ցանկություները կարող են նույնիսկ եկեղեցական կյանք ներխուժել,ապա ինչ՜քան զգույշ պետք է լինենք այլ հարցերում:
բ. ՊԱՐՏՈՒԹՅԱՆ Է ՄԱՏՆՈՒՄ ԹՇՆԱՄՈՒՆ`ԱՍՏԾՈՒՆ ԵՐԿՐՊԱԳԵԼՈՎ ԵՎ ՄԻԱՅՆ ՆՐԱՆ ԾԱՌԱՅԵԼՈՎ
10-րդ խոսքում Տեր Հիսուսը ասաց.«Հեռացիր, Սատանա,որովհետև գրված է."Տիրոջը` քո Աստծուն երկրպագիր ու միայն Նրան ծառայիր"»: Սատանա բառի հունարեն նշանակությունը «հակառակորդն»է: Նա ոչ միայն Աստծո թշնամին է Աստծո թագավորության դրսից,այլև` հակառակորդը Աստծո թագավորության ներսում,որն ապստամբում է Աստծո դեմ: Նոր Թագավորը հանդիմանեց բանսարկույին նրա առաջարկության համար և պարտության մատնեց բանսարկույին նրա առաջարկության համար և պարտության մատնեց նրան` նորից կանգնելով մարդու դիրքի վրա,ծառայելով և երկրպագելով միայն Աստծուն: Հանուն շահի երկրպագել կամ ծառայել ինչ-որ բանի,ինչը Աստված չէ,միշտ բանսարկույի փորձությունն է,որի օգնությամբ նա հասնում է երկրպագության: Տերը կարծես ասում է Սատանային.«Սատանա,որպես մարդ,Ես` Հիսուսս,Աստծուն եմ երկրպագում և միայն Նրան եմ ծառայում: Դու Աստծո թշնամին ես,և Ես երբեք չեմ երկրպագի քեզ: Ինձ չի հետաքրքրում աշխարհի փառքը,ոչ էլ աշխարհի թագավորությունները: Սատանա,հեռացիր Ինձանից»:
Եթե նայենք մեր փորձառությանը,կտեսնենք, որ բոլոր փորձությունները ներառված են այս երեք տեսանկյունների մեջ` փորձությունները մեր կենսակերպի հարցում,կրոնական հրաշքների փորձությունը և աշխարհիկ դիրքի տեսանկյուններում: Բայց Տեր Հիսուսը հաղթահարեց թշնամու փորձության յուրաքանչյուր տեսանկյունը: Նա կարող էր ասել.«Իմ կենսակերպը երկրորդական է: Ինձ չի հետաքրքրում կրոնական զորությունը: Եվ Ես ընդհանուր ոչինչ չունեմ աշխարհիկ փառքի հետ: Ես միայն գիտեմ Աստծու խոսքը և հենց Իրեն Աստծուն: Ինձ միայն հետաքրքրում է Աստծուն ծառայելը»: Հետևաբար,որպես Նա,ով անցավ փորձությունը,Տեր Հիսուսը իրավունք ուներ երկնքի թագավորության Թագավորը լինելու:
Դ. ԱՐԴՅՈՒՆՔԸ
11-րդ խոսքում ասվում է.«Այն ժամանակ բանսարկուն թողեց Նրան,և ահա հրեշտակները եկան և ծառայում էին Նրան»: Երբ բանսարկուն առաջին անգամ փորձեց մարդուն` Ադամին,նա հաջողության հասավ.երկրորդ մարդուն` Քրիստոսին,նրա փորձելը բացարձակ անհաջողության մատնվեց: Սա ցույց է տալիս, որ նոր Թագավորին պատկանող երկնքի թագավորությունում նա տեղ չի ունենա երկնքում: Այն բանից հետո,երբ Տեր Հիսուսը պարտության մատնեց Սատանային,հրեշտակները եկան և ծառայեցին փորձության ենթարկված Թագավորին որպես չարչարված մարդու (հմմտ Ղուկ 22:43-ում ինչպես գեթսեմանում):
Ոչ միայն Թագավորը,այլև` թագավորության բոլոր մարդիկ պետք է հաղթահարեն իրենց ամենօրյա կենսական կարիքները,կրոնական զորության և աշխարհիկ փառքի խնդիրները: Եթե չենք կարողանում հաղթահարել այս երեք փորձությունը,մենք թագավորությունից դուրս ենք գտնվում: Եթե ցանկանում ենք թագավորության մարդիկ լինել,ապա այս երեքը պետք է մեր ոտքերի տակ լինեն: Եթե վերջ տանք այս երեք փորձություններին,ասելով.«Ինձ չի հետաքրքրում իմ կենսական կարիքները,կրոնական զորությունը կամ էլ աշխարհիկ դիրքը»,Սատանան մեզ հետ ոչինչ անել չի կարողանա:
Մեզ չպետք է անհանգստացնեն մեր ամենօրյա կենսական կարիքները: Եկեք դիտարկենք Պողոս առաքյալի օրինակը: Պողոսն ասաց.«Գիտեմ զրկանքով ապրել և գիտեմ առատության մեջ լինել.ամեն ինչում և բոլոր հանգամանքներում սովորել եմ ինչպես կշտանալու,այնպես էլ քաղցելու,ինչպես առատապես ունենալու,այնպես էլ զրկանք կրելու գաղտնիքը»(Փլպ 4:12): Պողոսը կարծես ասում էր.«Կարևոր չէ ես զրկանք եմ կրում,թե առատության մեջ եմ: Ես կարող եմ ապրել ինչպես զրկանքի այնպես էլ առատության մեջ: Իմ ամենօրյա կենսական կարիքներն ինձ չեն անհանգստացնում»:
Ավելին,կրոնական զորությունը ուշադրություն դարձնելու փոխարեն,մենք պետք է տկար լինենք` այնպես,ինչպես Հիսուս Քրիստոսն էր տկար,երբ Նրան բանտարկեցին և խաչեցին: Եթե Նա տկար չլիներ,ո՞վ կարող էր Նրան բանտարկել և խաչը բարձրացնել: Երբ Նրան բանտարկեցին,հարցաքնության ենթարկեցին և խաչեցին,Նա Իր զորությունը չցուցադրեց: Նա հրաժարվեց ներկայացնել որևէ կրոնական զորություն: Ընդհակառակը Նա ծայրաստիճան տկար էր: Պողոսն ասաց, որ Քրիստոսը «խաչվել էր տկարությունից». նա նաև ասաց.«Մենք տկար ենք Նրա մեջ»(Բ Կորնթ 13:4): Բանսարկույից մղված`շատ մարդիկ մարտահրավեր էին նետում պողոսին,ասելով.«Եթե դու Քրիստոսի ճշմարիտ առաքյալն ես,դու պետք է ինչ-որ բան անես ապացուցելու համար: Բայց, երբ պողոսը բանտում էր,Տերը ոչ մի հրաշք չգործեց նրա համար:
Պողոսի իրավիճակը նույնն էր,ինչ Հովհաննես Մկրտչինը,որը նույնպես բանտարկվել էր: Որոշ ժամանակ բանտարկության մեջ անցկացնելուց հետո,Հովհաննեսը իր աշակերտներին ուղարկեց,որ մարտահրավեր նետեր Տիրոջը,ասելով.«Դու Նա՞ ես, որ գալու էր,թե՞ ուրիշի սպասենք»(Մտթ11:3): Հովհաննեսը կարծես ասում էր.«Եթե Դու ես,որ պետք է գար,ուրեմն ինչու՞ ինձ համար ոչինչ չես անում: Դու չգիտես, որ ես` Քեզանից առաջ եկածս,Քեզ ներկայացնողս,բանտում եմ: Դու զորություն չունես՞: Դու ամենակարող Քրիստոսը չես՞: Եթե այդպես է,ինչ-որ բան արա ինձ համար»: Իր պատասխանում Տերն ասաց.«Երան՜ի նրան, որ Իմ վրայով չի գայթակղվում»(Մտթ11:16): Տերը կարծես ասում էր.«Այո,Ես կարող եմ ինչ-որ բան անել,բայց քեզ համար ոչինչ չեմ ուզում անել: Չնայած որ դու Ինձ ներկայացնողն ես,Իմ առջևից եկածը,Ես ոչինչ չեմ ուզում անել քեզ համար: Ես գերադասում եմ, որ քեզ գլխատեն: Հովհաննես ,մի՞թե դու կգայթակղվես Ինձնից»:
Որքան է մեզ հարկավոր հաղթահարել այս երեք տեսակի փորձությունները` մեր կենսական կարիքների փորձությունը,այսպես կոչված կրոնական զորության փորձությունը և մեր ունայն փառքի փորձությունը: Եթե հաղթահարում ենք այս երեքը,մենք ճշմարտապես թագավորության մարդիկ ենք,որ հետևում են իրենց երկնային Թագավորին: Ալելո՜ւյա,մեր երկնային Թագավորը հաղթեց գայթակղիչին և պարտության մատնեց նրան այս երեք փորձություններում:
Վիթնես Լի:
Կան Հին Կտակարանի և Նոր Կտակարանի`Ծննդոց գրքից մինչև Հայտնության գրքի գլուխներն, իրենց ամեն մի համարներով,խոսքերի հոգևոր տեսանկյունից լուսաբանումններն,մեկնություներն ու հայտնություներն,որը տրվել է Տիրոջ կողմից Սուրբ Հոգու ներշնչումով,Իր զավակներին Իր համբարձումից հետո տրված բոլոր հայտնություները որոնք, որ հավաքել են եղբայրները բոլոր հայտնություները,որը Տերը տվել է մոտ երկու հազար տարվա ընթացքում,այսօր բոլոր Տիրոջ զավակները գիտեն,որ ապրում ենք վերջին ժամանակները,և Տերը բացել է ամբողջ Աստվածաշունչը: Այսօր Աստվածաշունչը դարձել է թափանցիկ Գիրք և մենք կարող ենք իմանալ Նրա միջի ամեն մի Գրքի խորություները:
Տեղեկություների համար զանգահարեք 098185664