👍 Конкурс!

2-тӥ сентябрьысен 5-тӥ сентябрёзь Нижний Новгород улосын ортчоз «Территория ритма» форум
Со кыстӥськоз 4 нунал, отчы пыриськозы калыклы юрттонлы сӥзем проектъёсын вырисьёс, азьветлӥсьёс — Россиысь но Белоруссиысь 300-лэсь ятыр адямиос.
Форуме пыриськисьёс понна радъяськозы мастер-классъёс: тодмо ужбергатӥсьёс, бизнес-тренеръёс дышетозы соосты проект гожъяны, сое улонэ пыӵатыны. Валтӥсь курон: проект герӟаськемын луыны калыклы юрттонэн. Отын дышетозы зэмос азьветлӥсь луыны, калыклы юрттонлы сӥзем ужбергатонэз усьтыны, инвалидъёсын ужаны, нейросетьёсты валаны но сое уже кутыны.
«Территория ритма» форуме пыриськыны быгато Россиысь но Белоруссиысь 18 аресысен адямиос (инвалидностен муртъёс но).
Форуме пыриськон понна куриськон гожтоно 10-тӥ августозь та ссылкая: http://территорияритма.рф .
Форуме пыриськон понна уксё тыроно уз луы. Ужрад ортчоз Россиысь Правительство, коммерция луисьтэм «Россия — страна возможностей» огазеяськон, Нижний Новгород улосысь кун ёзъёс кичӧлтэмъя. Форумез радъян понна кыл кутэ Нижний Новгород улосысь инвалидъёслэн «Ковчег» огазеяськонзы.
Форумын быръемын луоз тужгес усто проектъёс, сое быдэстыны дась луись тужгес мыло-кыдо адямиос.
#территорияритма #форум #россиястранавозможностей
Туспуктэм: территорияритма.рф