🍭Та туспуктэмын мон вакчи йырсиен - ми семьяын 4 пиос будӥм, соин атай машинка кутэ но ваньместы огвыллем ӵышке вал.

Студент вакытам мон кузь йырси лэзи — йырберам эшшо векчи-векчи йырси пунэтэ. Озьы мынӥ Москваысь театральной училищее пырыны. Удмурт группа татын быдэс ар дышетске ни вал. Эшъёс шуизы, али, пе, татчы профессор вуоз. Мынам ноку но улэп профессорез адӟеме, соин вераськеме ӧй вал. Учкисько но — ӝужыт, паськыт пельпумо воргорон лыктэ. Монэ адӟиз но, чиньыеныз куасалляса, дораз ӧте: лык ай татчы. Мон пумитаз вамыштӥ. Отӥе мын ай, шуэ. Мынӥ. Табере, пе, берытскы. Котырски азяз. Ачим воксё шальтрай ни. Чаль ай, пе, татчы. Лыктӥ. Профессор йырси пунэтме кыскиз но шуэ: ӵуказе ик та медаз луы ни, а так — «принят». Со ик луиз Москваысь училищее пыреме.
#1июнь #нылпиос #покчидыр