«Купол» завод ӧте ужаны!

*izh_kupol (Ижысь электромеханической «Купол» завод) — Удмуртиысь гинэ ӧвӧл, Россиысь огез азьмынӥсь предприятие. Со пыре воздушно-космической обороная «Алмаз-Антей» концернэ, кудӥз Россиысь 60-лэсь уно заводъёсты но научно-исследовательской институтъ­ёсты огазея.
«Купол» заводын потӥсь вузъёс сярысь тодӥсьтэмез ӧвӧл, дыр. Ижын кылдытэм «Оса» но «Тор» зенитной ракетной комплексъёс сярысь СМИ-ос верамысь уг дугдыло.
Озьы ик предприятие атомной энергетика, приборостроение, микроэлектроника, тазалыкез утён удысъёслы кулэ луись вузъёс поттэ.
Со сяна, «Купол» заводлэн вань аслаз научной школаез, кужмо производствоез, отын кутӥсько туала ужан амалъёс, кылдытӥсько туала ужан интыос.
Предприятиын сюлмасько котькуд ужась сярысь, ваньзылы сётӥське социальной пакет, тыриське бадӟым уждун. Кылдытэмын ӟеч условиос, адямиос ужаны, гадь тыр шокаса улыны, умой шутэтскыны мед быгатозы шуыса.